लाहोर । फखर जमानको ऐतिहासिक शतक र अन्त्यतिर अराफात मिन्हासको विस्फोटक अर्धशतकको मद्दतले पाकिस्तानले रोमाञ्चक फाइनल भिडन्तमा श्रीलंकालाई पराजित गर्दै एकदिवसीय त्रिकोणात्मक शृंखलाको उपाधि आफ्नो नाममा गरेको छ । लाहोरस्थित गद्दाफी स्टेडियममा खेलिएको फाइनल खेलमा श्रीलंकाले प्रस्तुत गरेको ३२६ रनको विशाल लक्ष्य पाकिस्तानले ४८.३ ओभरमा ७ विकेट गुमाएर सफलतापूर्वक पूरा गर्दै सिरिज जितेको हो ।
यसअघि टस हारेर पहिले ब्याटिङको निम्तो पाएको श्रीलंकाले उत्कृष्ट सुरुवात गरेको थियो । ओपनर अविष्का फर्नान्डो र कमिन्दु मेन्डिसले पहिलो विकेटका लागि ८७ रनको साझेदारी गर्नुभयो । १८औँ ओभरमा सलमान आगाले अविष्कालाई एलबिडब्लु आउट गर्दै यो साझेदारी तोड्नुभएको थियो । अविष्काले ४९ बलमा ३८ रन बनाउनुभयो ।
त्यसपछि कमिन्दु मेन्डिसले पारी सम्हाल्दै १२८ बलमा १२ चौका र २ छक्काको मद्दतले १३१ रनको उत्कृष्ट शतकीय पारी खेल्नुभयो । श्रीलंकाले निर्धारित ५० ओभरमा ८ विकेट गुमाउँदै ३२५ रनको विशाल योगफल खडा गरेको थियो ।
३२६ रनको विशाल लक्ष्य पछ्याएको पाकिस्तानको सुरुवात भने निकै खराब रह्यो । ओपनर माज सदाकत ५ रन र स्टार ब्याट्सम्यान बाबर आजम शून्य रनमै पभेलियन फर्किनुभयो । त्यसपछि फखर जमान र साद बेगले पाकिस्तानी पारीको मोर्चा सम्हाल्नुभयो । दुवैले तेस्रो विकेटका लागि १४९ रनको महत्त्वपूर्ण साझेदारी गर्नुभयो । साद बेग ७५ बलमा ११ चौकाको मद्दतले ७४ रन बनाएर आउट हुनुभयो । पारीलाई अगाडि बढाउने क्रममा फखर जमानले १२७ रनको ऐतिहासिक शतकीय योगदान दिनुभयो ।
अन्त्यतिर अराफात मिन्हासले विस्फोटक ब्याटिङ गर्दै मात्र ३१ बलमा ६१ रनको आक्रामक पारी खेल्दा हसन नवाज ३७ रनमा अविजित रहनुभयो । मिन्हास र नवाजको आक्रामक फिनिसिङका कारण पाकिस्तानले ९ बल बाँकी छँदै जित हासिल गर्न सफल भयो । एजेन्सी







ऊर्जामन्त्री श्रेष्ठले भने : ‘देश
कांग्रेसमा प्रत्यक्ष सभापति निर्वाचित गर्ने
भुइँ तहका कार्यकर्ताको मूल्यांकन नभएसम्म
भीषण वर्षा र हावाहुरीले कांग्रेस
प्रवासी नेपालीको आवाज उठाउन कांग्रेस
कांग्रेस सभापतिको दौडबाट किशोर सिंह