अफगानिस्तानमा डढेलोका कारण आठ सयभन्दा धेरै परिवार विस्थापित

काबुल । अफगानिस्तानमा लागेको डढेलोबाट आठ सयभन्दा धेरै परिवार विस्थापित भएका छन् । अफगानिस्तानको उत्तरमा रहेको जावजवान प्रान्तको फैजावाद जिल्लाको बाला मार्दियान गाउँमा केही दिनअघिबाट सुरु भएको डढेलोबाट आठ सयभन्दा बढी परिवार विस्थापित भएका हुन ।

विस्थापित परिवारहरू जावजान प्रान्तको राजधानी शिबरघान सहर र छिमेकी बल्ख प्रान्ततर्फ प्रस्थान गरेको प्रान्तीय प्रहरी प्रवक्ता अब्दुल सत्तार हलिमीले पत्रकारहरूलाई बताएका छन् ।

‘अगस्ट ८ मा सुरु भएको आगलागीले फैजावाद जिल्लाको बाला मार्दियान गाउँमा सबैलाई घेरेको छ, प्रत्येक दिन पाँचदेखि छ घरहरू पूर्ण वा आंशिक रूपमा जलेको छ, र एक सय २० आवासीय घरहरू खरानी भएका छन्,’ एक अधिकारीले जानकारी दिएका छन् । प्रान्तको फैजावाद जिल्लाको बाला मार्दियान गाउँमा आगलागीबाट ठूलो क्षति पुगेको छ । आगलागीको कारण भने खुल्न सकेको छैन । एजेन्सी ।