काठमाडौं । सन् २००७ देखि सुरु गरिएको काठमाडौं म्याराथनको १६औँ संस्करण यही असोज १२ गते आयोजना गरिने भएको छ । काठमाडौं म्याराथन आयोजकले पत्रकार सम्मेलन गर्दै प्रतियोगिताबारे जानकारी गराएको हो । यसपल्ट १६ देशका ६६ अन्तर्राष्ट्रिय धावकसँगै कुल तीन हजारजनाभन्दा बढीले काठमाडौं म्याराथनमा चुनौती प्रस्तुत गर्ने मुख्य आयोजक निलेन्द्रराज श्रेष्ठले जानकारी गराउनुभयो ।
म्याराथनमा सहभागिताका निम्ति १७० धावकले नाम दर्ता गराइसकेका छन् । हाफ म्याराथनतर्फ ५५० धावकले चुनौती प्रस्तुत गर्ने टुंगो लागेको जनाइएको छ । यस्तै, सरकारी र निजी गरेर ६० भन्दा बढी विद्यालयका छात्रछात्राले पाँच किलोमिटर र तीन किलोमिटर खुला दौडमा प्रतिस्पर्धा गर्नेछन् । फेमिली रनमा १९ परिवारको सहभागिता रहनेछ ।
काठमाडौं म्याराथनका मुख्य आयोजक श्रेष्ठले दौडका बेला ट्राफिक व्यवस्थापन नै सबैभन्दा ठूलो चुनौती हुने बताउनुभयो । दौडका बेला ट्राफिक व्यवस्थापनका निम्ति सम्बन्धित निकायसँग छलफल भइरहेको उहाँको भनाइ छ ।
म्याराथन र हाफ म्याराथन दौडमा ‘इलेक्ट्रिक टाइमिङ’ प्रयोग गरिने जनाइएको छ । यो प्रविधिको प्रयोगले धावकलाई अरू अन्तर्राष्ट्रिय प्रतियोगितामा छनोटका निम्ति पनि सहयोग पुग्ने विश्वास छ । दौडमा ४०० भन्दा बढी स्वयंसेवक र टेक्निकल अफिसियलको सहभागिता रहने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच