काठमाडौं । ‘हनी ट्र्यापिङ’मा संलग्न गिरोहलाई कार्यालयमै बोलाएर बलात्कार आरोपी युवकसँग रकम मोलमोलाई गरेको आरोपमा भैँसेपाटीकी इन्स्पेक्टर विनुकुमारी शाहीलाई निलम्बनका लागि सिफारिश गरिएको छ । ललितपुर प्रहरी परिसरले शाहीलाई निलम्बन गर्न काठमाडौं उपत्यका प्रहरी कार्यालयलाई सिफारिश गरेको हो । जिल्ला प्रहरी प्रमुख शेखर खनालले प्रारम्भिक अनुसन्धानमा अनियमितता भएको केही आधार देखिएकाले शाहीलाई निलम्बन गर्न सिफारिश गरिएको जानकारी दिनुभयो । शाहीमाथि बलात्कार मुद्दामा फसाइदिने भन्दै ३० लाख रुपैयाँ लिएको आरोप छ । शाहीलाई भैँसेपाटीबाट फिर्ता बोलाएर आवश्यक छानविन थालिएको जानकारी उपत्यका प्रहरी कार्यालयका एसएसपी एवं प्रवक्ता विनोद घिमिरेले दिनुभयो । घिमिरेले भन्नुभयोे, ‘उनीबारे कार्यालयमै लेनदेनसम्बन्धी कुराको विवाद आएको छ । भैँसेपाटीबाट तानेर छानविन अघि बढाउन पत्र गइसकेको छ ।’
बलात्कारसम्बन्धी एउटा घटनालाई ‘हनी ट्र्याप’मा परिणत गरेर लाखौँ रुपैयाँ लेनदेन गरेको आरोपसहित उनीविरुद्ध उजुरी परेको थियो । उनी जेठ २३ मा भैँसीपाटी प्रभागको नेतृत्व सम्हाल्न पुगेकी थिइन् । त्यसलगत्तै बलात्कारको एक घटनमा पीडित भनिएका सँगको साँठगाँठमा आर्थिक लाभ लिएको आरोप उनीमाथि छ । त्यसबेला बलात्कार आरोपमा मोरङ निवासी एकजना व्यापारीलाई भैँसेपाटी प्रभागमा थुनिएको थियो । तर, ती व्यापारीको मुद्दा मिलाउने नाममा हिरासतमै इन्स्पेक्टर बिनुकुमारीको पनि उपस्थितिमा ३० लाख रुपैयाँ लेनदेन गरिएको खुलेको छ ।
यही असोज ७ गते एकजना युवतीले मोरङका ती व्यापारीलाई भैँसेपाटीमा बोलाएकी थिइन् । युवतीकै उजुरीका आधारमा प्रहरीले ती व्यापारीलाई पक्राउ गरेको थियो । प्रहरी प्रभाग परिसरमै व्यापारीलाई बलात्कार मुद्दामा फसाइदिने धम्कीसहित बार्गेनिङ गरेको बताइएको छ । पीडित भनिएकी ती युवतीले प्रहरीकै सामु व्यापारीसँग ६० लाख रुपैयाँ मागेकी बताइएको छ । बार्गेनिङका क्रममा ३० लाखमा सहमति गरिएको खुलेको छ । उपत्यका प्रहरी कार्यालयको छानविनका क्रममा उक्त लेनदेनका लागि भएको बार्गेनिङ प्रभागभित्रै प्रहरीकै अगाडि भएको खुलेको छ । बार्गेनिङका क्रममा प्राप्त भएको ३० लाखमध्ये २० लाख रुपैयाँ युवतीका साथीको खातामा हालिएको थियो । बाँकी १० लाख रुपैयाँ भने चेकका रूपमा दिएर व्यापारी प्रभागबाट रिहा भएका थिए । उक्त कुरा चुहिएपछि ललितपुर प्रहरीले ‘हनी ट्र्यापिङ’मा संलग्न युवती र उनलाई सघाउने युवकलाई पक्राउ गरिसकेको छ । उता, इन्स्पेक्टर बिनुकुमारीमाथि छानविनका लागि ललितपुर प्रहरी परिसरले समिति बनाएको छ । उक्त घटनाबारे छानविनका लागि डिएसपी नरहरि अधिकारीको संयोजकत्वमा सात सदस्यीय समिति बनाइएको छ ।
यसरी बन्यो योजना
ललितपुर प्रहरीको प्रारम्भिक अनुसन्धानका क्रममा ‘हनी ट्र्याप’को योजना इटहरीमा असफल भएपछि भैँसेपाटी पुगेको खुलेको छ । युवाबाट इलाका प्रहरी कार्यालय इटहरीको प्रहरी नै प्रयोग गरेर रकम असुल्ने योजना असफल भएको थियो । प्रहरी स्रोतका अनुसार ललितपुरका जग्गा व्यवसायी केही समयअघि इटहरी पुगेका थिए । त्यहीबेला हाल ललितपुर प्रहरीको थुनामा रहेकी युवती सुस्मा विकसँग इटहरी र इलाम घुमफिर गरे । घुमफिरका साथै होटेलमा सँगै बसे । त्यसपछि युवा ललितपुर फर्किए । सुस्मा र युवाबीच फोनमा सम्पर्क भइरहन्थ्यो । सुस्माले युवा पैसावाल व्यवसायी भएको थाहा पाइसकेकी थिइन् । युवा करिब पाँच करोड पर्ने ल्याण्ड रोभर प्राडो चढ्थे । त्यही कुरा सुस्माले आफूनिकट युवा दर्शन पोखरेललाई ‘सेयर’ गरिन् ।
दर्शन र सुस्मा दाजु-बहिनीका रूपमा असाध्यै मिल्थे । सुस्माको कुरा सुनेपछि दर्शनले व्यवसायीबाट रकम असुल्ने योजना बनाए । त्यसका लागि उनीहरू इलाका प्रहरी कार्यालय इटहरीसमेत पुगे । तर, त्यहाँ उनीहरूले सोचेजस्तो युवाबाट रकम असुल्न नसकिने निष्कर्ष निकाले । त्यही कुरा दर्शनले ताजलाई सुनाए । उनीहरूबीच पुरानो चिनजान थियो । ताज भैँसेपाटी र व्यवसायी युवासमेत ललितपुर बस्ने भएकाले ताजले युवालाई त्यहीँको प्रहरी प्रयोग गरेर पैसा असुल गर्न सकिने बताए । भैँसेपाटी प्रहरी प्रमुख शाही र ताजबीच नजिकको सम्बन्ध थियो ।
सोही योजनाअनुसार ताजले दर्शन र सुस्मालाई केही दिनअघि मात्रै इटहरीबाट काठमाडौं बोलाए । दुवैजना केही दिनदेखि गौशालाको एक होटेलमा बसेका थिए । ताजकै योजनामा दर्शन र सुस्मा होटेलबाट असोज पहिलो साता भैँसेपाटी पुगे । ती व्यवसायीबाट असुल हुने कुल पैसामध्ये ५० प्रतिशत प्रहरी निरीक्षक शाहीले लिने तय भइसकेको थियो । सोही योजनाअनुसार सुस्मामार्फत व्यवसायी युवालाई प्रहरी निरीक्षक शाहीले फोन गर्न लगाइन् । सुस्माको फोनपछि युवा भैँसेपाटी पुगे । त्यही बेला ल्याण्ड रोभर प्राण्डोसहित युवालाई प्रहरी निरीक्षक शाहीले कार्यालयलभित्र लगिन् ।
बलात्कारको उजुरी आएको भन्दै युवालाई थर्काइन् । त्योबेला सुस्मा र ताज पनि सँगै थिए । उनकै अगाडि मुद्दा नचलाउने पैसामा मिलाउने भन्दै ‘बार्गेनिङ’ भयो । सुरुमा ६० लाखको बार्गेनिङ ३० लाखमा सहमति जुट्यो । त्योबेला युवासँग सात लाख रुपैयाँ मात्रै थियो । सहमतिअनुसार ती युवाले दर्शनको खातामा सात लाख रुपैयाँ ट्रान्सफर गरे । बाँकी दुई दिनभित्र दिने बाचा गरे । तर, त्यसका लागि आफ्नो प्राडो नै बिक्री गर्नुपर्ने बताएका थिए । उनले त्यही दुई दिनमा आफ्नो प्राडोलाई बजार मूल्यभन्दा दुई गुणा सस्तोमा बिक्री गरेर बाँकी १३ लाख बैंकमार्फत र १० लाखको चेक काटेको खुलेको छ । १३ लाख सुस्माकै एक साथीको खातामा पठाएको खुलेको छ । युवाले खातामा पैसा पठाउँदा भैँसेपाटीका एक प्रहरीसमेत पीडित युवासँगै गएको खुलेको छ । घटनाबारे तेस्रो दिनमा भने पीडित युवाका एक साथीले ललितपुर प्रहरीमा जानकारी गराए । त्यसपछि ललितपुर प्रहरीले भैँसेपाटीमा रहेका दर्शन, सुस्मा र ताजलाई समेत कार्यालय झिकाएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच