10th August | 2020 | Monday | 4:45:48 PM

सडक २ अनलाइनमा हेर्न मिल्ने

एजेन्सी   POSTED ON : असार १६, २०७७ (१०:०९ AM)

सडक २ अनलाइनमा हेर्न मिल्ने

मुम्बई । अहिलेको लकडाउन र कोरोना भाइरसको कारण विश्वका अधिकांश सिनेमाहल ठप्प छन् । निर्माण भएका चलचित्रहरू रिलिज हुन पाएका छैनन् । चलचित्र निर्माता डिजिटल मार्केटमा जान थाल्नु भएको छ भने कतिपयले उपयुक्त डिजिटल प्लेटफर्मको खोजिमा हुनुहुन्छ । 

यसैक्रममा बलिउडका चर्चित कलाकारको अभिनय रहेको चलचित्र ‘सडक २’ पनि अनलाइनमा रिलिज हुने भएको छ । निर्देशक महेश भट्टले आफ्नो यो फिल्म डिजिटल प्लेटफर्ममा रिलिज गर्ने निर्णय गर्नु भएको छ । विशेष फिल्मस र फक्स स्टार स्टुडियोले निर्माण गरेको यो चलचित्रमा सञ्जय दत्त, आलिया भट्ट, आदित्य रोय कपुर र पूजा भट्ट मुख्य भूमिकामा हुनुहुन्छ । 

यो चलचित्र १० जुलाईमा सिनेमा हलमा रिलिज हुने तयारीमा थियो । तर, कोभिड १९ का कारण सिनेमा हल बन्द भएपछि चलचित्रको प्रदर्शन अनिश्चितकालका लागि रोकिएको थियो । अब, ‘सडक २’ ओटीटी प्लेटफर्ममा रिलिज हुनेछ । 

मुकेश भट्टले भनेका छन्, ‘कोरोना संक्रमितको संख्या घट्नुको सट्टा झन् बढ्दै गइरहेको छ । यो स्थितिमा के तपाईंहरूलाई लाग्छ कि सिनेमा हल खुल्नेछ ? यदी खुल्यो भने पनि के दर्शकहरू चलचित्र हेर्न सिनेमा हल पुग्नु हुन्छ ? मानिसलाई परिवारको चिन्ता छ । आज मानिसको जिन्दगी महŒवपूर्ण छ । म ‘सडक २’लाई ओटीटी प्लेटफर्ममा रिलिज गर्न बाध्य भएको छु ।’

उहाँले थप्नु भएको छ, ‘मैले भविष्यमा कुनै आशा देखिरहेको छैन । तपाइँ कुनै काम बाध्यताले पनि गर्नुपर्छ । हामीसँग अरू कुनै विकल्प बचेको छैन ।’ ‘सडक २’ १९९१ मा आएको पूजा भट्ट र सञ्जय दत्त स्टारर ‘सडक’ को सिक्वेल हो । कोरोनाका कारण सिनेमा हल खुल्ने कुनै निश्चित नभएका कारण बलिउड फिल्ममेकर ओटीटी प्लेटफर्ममा फिल्म रिलिज गर्न बाध्य हुनु भएको छ ।


Views: 183

सम्बन्धित सामग्री:

नताशालाई कोरोना संक्रमण

एजेन्सी : श्रावण २६, २०७७ (१२:४८ AM)