बागलुङमा चट्याङ लागेर बालकको मृत्यु, बालिका घाइते

डम्मर बुढा मगर   POSTED ON : जेठ १८, २०७८ (४:१४ PM)

बागलुङमा चट्याङ लागेर बालकको मृत्यु, बालिका घाइते

बागलुङ । चट्याङ लागेर बडिगाडमा एक बालकको मृत्यु भएको छ । जिल्लाको बडिगाड गाउँपालिक वडा नम्बर५ का १२ वर्षीय सुवास पेमीको मृत्यु भएको स्थानीय राजन पाएजाले जानकारी दिनुभयो ।

चट्याङ लागेर गम्भीर भएका पेमीको उपचारका लागि लैजाँदै गर्दा मृत्यु भएको पाइजाको भनाइ छ । ठूलो पानी परको र छाता ओढेर बाहिर निस्केको अवस्थामा उनलाई चट्याङ लागेको स्थानीयको भनाई छ । विद्युत मिटर बक्सको नजिक रहेका पेमीको चट्याङले शरीर जलेको पाइजाले बताउनु भयो ।

त्यस्तै वडा नम्बर ४ मा चट्याङ लागेकार ११ वर्षीया बालिका सृष्टि राकसकोटी घाइते भएकी छिन् । चट्याङले स्थानीय प्रेम राकसकोटीको दुई घरमा आंशिक क्षति पुगेको पाइजाले जानकारी दिनुभयो ।

राकसकोटीको घरमा भएका लत्ता कपडा, खाद्यान लगायतका सामग्रहरु जलेर नष्ट भएको उनले बताए । मृतक बालकको शव पोस्टमार्टमका लागि अस्पताल पठाइएको उहाँको भनाइ छ ।



तस्बिर : चट्याङले क्षति ग्रस्त घर



Top