काठमाडौं । पछिल्लो २४ घण्टामा काठमाडौं उपत्यकामा ४ सय ३२ जनामा कोरोना संक्रमण पुष्टि भएको छ ।

 जसअनुसार काठमाडौंमा ३ सय ४९, भक्तपुरमा १८ र ललितपुरमा ६५ जनामा कोरोना पुष्टि भएको हो। 

यो सँगै काठमाडौंमा मात्र ९० हजार ७७ जना संक्रमित पुगेको छ। जसमध्ये ५ हजार ६ सय ५१ जना सक्रिय छन् भने ८४ हजार २९ जना उपचारपछि निको भएका छन् ।  काठमाडौमा ३ सय ९७ जनाको कोरोनाका कारण मृत्यु भएको छ । 

ललितपुरमा कुल संक्रमितको संख्या १३ हजार ७ सय ६३ पुगेको छ । 

ललितपुरमा १ सय २२ जना संक्रमितको कोरोनाका कारण मृत्यु भएको छ । 

कुल संक्रमितमध्ये १२ हजार ५ सय १३ जना उपचारपछि निको भएका छन् भने १ हजार १ सय २८ जना सक्रिय छन्। 

भक्तपुरमा कुल संक्रमितको संख्या ८ हजार १ सय ३६ पुगेको छ । 

जसमध्ये ७ हजार ५ सय ५० जना उपचारपछि निको भएका छन् भने ४ सय ९३ जना उपचाररत छन्। 

भक्तपुरमा ९५ जनाको कोरोनाका कारण मृत्यु भएको मन्त्रालयले जनाएको छ ।

Views: 98