काठमाडौं । पछिल्लो २४ घण्टामा देशभरमा थप १ हजार ६ सय २८  जना कोरोना संक्रमणमुक्त भएका छन्। 

स्वास्थ्य तथा जनसंख्या मन्त्रालयका अनुसार हालसम्म नेपालमा  २ लाख २७ हजार ४ सय ३३ जना कोरोना संक्रमणबाट मुक्त भएका छन् ।

  स्वास्थ्य मन्त्रालयका अनुसार कोरोना निको हुनेको दर नेपालमा अहिले ९४ प्रतिशत पुगेको छ ।

पछिल्लो २४ घण्टामा ६ हजार २ सय २० जनाको पिसिआर परीक्षण भएको मन्त्रालयले जनाएको छ । यो सँगै १७ लाख ९० हजार ७ सय ३९  जनाको पिसिआर भएकोे छ ।  पछिल्लो २४ घण्टामा देशभर थप १ हजार १४ जनामा कोरोना संक्रमण भएको छ । 

 योसँगै नेपालमा कुल संक्रमितको संख्या २ लाख ४१ हजार ९९५ पुगेको छ ।

स्वास्थ्य तथा जनसंख्या मन्त्रालयका अनुसार सोमबार थप २० जना कोरोना संक्रमितको मृत्यु भएको छ । 

योसँगै कोरोना संक्रमित मृतकको संख्या १ हजार ६ सय १४ पुगेको छ ।

Views: 94