25th February | 2021 | Thursday | 8:04:15 AM

काठमाडौं उपत्यकामा थप ५४१ जनामा कोरोना संक्रमण, ५ संक्रमितको मृत्यु

हिमालय टाइम्स   POSTED ON : मंसिर २६, २०७७ (४:३४ PM)

काठमाडौं उपत्यकामा थप ५४१ जनामा कोरोना संक्रमण, ५ संक्रमितको मृत्यु

काठमाडौं ।  पछिल्लो २४ घण्टामा काठमाडौं उपत्यकामा  थप ५४१ जनामा कोरोना संक्रमण देखिएको छ । 

योसँगै उपत्यकामा एक लाख १४ हजार ९५० जना व्यक्ति संक्रमित भएका छन्।

स्वास्थ्य तथा जनसंख्या मन्त्रालयका अनुसार  काठमाडौंमा ४०२ , ललितपुरमा १०५ र भक्तपुरमा ३४ जनालाई  कोरोना संक्रमण देखिएको छ। 

पछिल्लो २४ घण्टामा काठमाडौंमा ३ र ललितपुमा २ जना गरी ५ जना कोरोना संक्रमितको मृत्यु भएको छ।

पछिल्लो २४ घण्टामा देशभर थप १०४४ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ७४१४ जनामा गरिएको परीक्षणमा १०४४ जनामा संक्रमण पुष्टि भएको हो । 

योसँगै नेपालमा कोरोना संक्रमितको कुल संख्या २ लाख ४६ हजार ६९४ पुगेको छ ।

पछिल्लो २४ घण्टामा कोरोना भाइरस संक्रमणमुक्त हुनेको संख्या १२७१ रहेको छ । हालसम्म निको हुनेको संख्या २ लाख ३२ हजार ८७२ रहेको छ ।


Views: 91