काठमाडौं । पछिल्लो २४ घण्टामा काठमाडौं उपत्यकामा थप ३४८ जना कोरोना संक्रमित थपिएका छन्। 

योसँगै उपत्यकामा एक लाख १५ हजार ७८० जना व्यक्ति संक्रमित भएका छन्।

जस अनुसार काठमाडौंमा २५८, ललितपुरमा ६५ र भक्तपुरमा २५ जनालाई  कोरोना संक्रमण देखिएको छ। 

त्यसैगरी, आज काठमाडौंमा २ र ललितपुमा १ जना गरी ३ जना कोरोना संक्रमितको मृत्यु भएको छ । 

पछिल्लो २४ घण्टामा नेपालमा ८३० जना कोरोना संक्रमित भेटिएका छन्। 

योसँगै नेपालमा कुल संक्रमितको संख्या २ लाख ४८ हजार ४२३ पुगेको स्वास्थ्य तथा जनसंख्या मन्त्रालयले जानकारी दिएको छ।

देशभरका प्रयोगशालामा पछिल्लो २४ घण्टामा ५१८१ जनाको नमुना परीक्षण गरिएको थियो ।

नेपालमा हालसम्म १८ लाख ३१ हजार ४१ जनाको पिसिआर परीक्षण भएको छ । हाल क्वारेन्टाइनमा ५१६ रहेको मन्त्रालयले जनाएको छ।

नेपालमा हालसम्म कुल संक्रमितमध्ये १० हजार ९९४ जना सक्रिय संक्रमित छन्।

Views: 103