काठमाडौं । पछिल्लो २४ घण्टामा काठमाडौं उपत्यकामा थप ३९१ जनामा  कोरोना संक्रमण पुष्टि भएको छ । 

योसँगै उपत्यकामा एक लाख १६ हजार ९४२ जना व्यक्ति संक्रमित भएका छन्।

स्वास्थ्य तथा जनसंख्या मन्त्रालयका अनुसार  काठमाडौंमा २९४ , ललितपुरमा ७७ र भक्तपुरमा २० जनालाई  कोरोना संक्रमण देखिएको छ । 

पछिल्लो २४ घण्टामा काठमाडौंमा ३ जना कोरोना संक्रमितको मृत्यु भएको छ।

पछिल्लो २४ घण्टामा देशभर ७३६ जनामा कोरोना संक्रमण देखिएको छ । आज थपिएका संक्रमितसँगै नेपालमा कुल संक्रमितको संख्या २ लाख ५० हजार ९१६ पुगेको छ ।

पछिल्लो २४ घण्टामा ५हजार ५ सय ५५ जनाको पिसिआर परीक्षण भएको थियो । 

Views: 95