6th March | 2021 | Saturday | 11:44:30 AM

काठमाडौं उपत्यकामा थप ३६३ जनामा कोरोना पुष्टि, ४ जनाको मृत्यु

हिमालय टाइम्स   POSTED ON : पुष २, २०७७ (४:५१ PM)

काठमाडौं उपत्यकामा थप ३६३ जनामा कोरोना पुष्टि, ४ जनाको मृत्यु

काठमाडौं ।  पछिल्लो २४ घण्टामा काठमाडौं उपत्यकामा ३६३ जना कोरोना संक्रमित थपिएका छन्। 

योसँगै उपत्यकामा एक लाख १७ हजार ३०५ जना व्यक्ति संक्रमित भएका छन्।

आज थपिएका संक्रमित मध्ये काठमाडौंमा २७३ , ललितपुरमा ४९ र भक्तपुरमा ४१ जनालाई  कोरोना संक्रमण देखिएको छ। 

पछिल्लो २४ घण्टामा काठमाडौंमा २ जना र ललितपुरमा २ जना गरी ४ कोरोना संक्रमितको मृत्यु भएको छ ।

पछिल्लो २४ घण्टामा देशभर ७७६ जनामा कोरोना संक्रमण पुष्टि भएको छ ।  आज थपिएका संक्रमितसँगै नेपालमा कोरोना संक्रमितको संख्या संख्या २ लाख ५१ हजार ६९२ पुगेको छ ।

पछिल्लो २४ घण्टामा ६५८८ जनाको पिसिआर परीक्षण भएको छ।

पछिल्लो २४ घण्टामा थप ६ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ ।  योसँगै कोरोना संक्रमित मृतकको संख्या १ हजार ७ सय ४९ पुगेको छ । 


Views: 92