8th March | 2021 | Monday | 9:51:25 PM

काठमाडौं उपत्यकामा ३१२ सहित देशभर थप ५३४ जनामा कोरोना संक्रमण

हिमालय टाइम्स   POSTED ON : पुष १६, २०७७ (४:२९ PM)

काठमाडौं उपत्यकामा ३१२ सहित देशभर थप ५३४ जनामा कोरोना संक्रमण

काठमाडौं । पछिल्लो २४ घण्टामा देशभर ५ सय ३४ जनामा कोरोना संक्रमण देखिएको छ । यो सँगै कुल संक्रमितको संख्या २ लाख ६० हजार ५ सय ९३ पुगेको छ ।

विगत २४ घण्टामा ६ हजार जनाको पिसिआर परीक्षण भएको स्वास्थ्य तथा जनसंख्या मन्त्रालयले जनाएको छ ।  यो सँगै नेपालमा पिसिआर परीक्षण हुनेको संख्या १९ लाख ३२ हजार ४ सय ७७ पुगेको छ। 

पछिल्लो २४ घण्टामा काठमाडौं उपत्यकामा मात्र ३१२ जनामा कोरोना संक्रमण भेटिएको छ । 

योसँगै उपत्यकामा एक लाख २० हजार ३३८ जना व्यक्ति संक्रमित भएका छन । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौंमा २२५ , ललितपुरमा ४९ र भक्तपुरमा  ३८ जनालाई  कोरोना संक्रमण देखिएको छ।

बिहीबार थप ९ जना कोरोना संक्रमितको मृत्यु भएको छ । यो सँगै कोरोना संक्रमित मृतकको संख्या १ हजार ८ सय ५६ पुगेको मन्त्रालयले जनाएको छ। हाल ३ सय ६२ जना क्वारेन्टाइनमा छन्। 

बिहीबार मात्र ४ सय ४७ जना संक्रमणमुक्त भएकाा छन् ।  यो सँगै नेपालमा कोरोना निको हुनेको संख्या २ लाख ५२ हजार ३ सय ५९ पुगेकोे छ ।


Views: 86