17th April | 2021 | Saturday | 1:00:07 AM

पश्चिम नवलपरासीमा नेविसंघले प्रधानमन्त्रीको पुत्ला जलायो

प्रकाश न्यौपाने   POSTED ON : पुष ७, २०७७ (११:२१ AM)

पश्चिम नवलपरासीमा नेविसंघले प्रधानमन्त्रीको पुत्ला जलायो

नवलपरासी । पश्चिम नवलपरासीमा नेपाल विद्यार्थी संघले प्रधानमन्त्री केपी शर्मा ओलीको पुत्ला दहन गरेको छ । ओलीले संसद विघटन गरेको विरोधमा नेपाल विद्यार्थी  संघले केपी ओली विरुद्ध नाराबाजी गर्दै जिल्लाको बर्दघाट बजारमा राजमार्ग अवरुद्ध गरेर पुत्ला जलाएका हुन् । विरोध प्रदर्शनमा उत्रीएका युवाहरुले पश्चिम नवलपरासीको बर्दघाट बजार र भुमही बजारमा पुर्वपश्चिम राजमार्गनै अवरुद्ध गरेका थिए । 

 विरोध सभामा नेपाल विद्यार्थी संघ नवलपरासी   पश्चिमका पुर्व जिल्ला सभापति ददि पौडेल, नेवीसंघका अर्का नेता किशोर गैरे लगायतले केपी वलीले असंवैधानीक कदम चालेर संसद विघटन गरेकोमा आफुहरुलाई मान्य नहुने भन्दै संसद विघटन फिर्ता नलिए सम्म सडक आन्दोलनलाई जारी राख्ने बताएका थिए । उनीहरुले ओलीलाई अव प्रधानमन्त्री भनेर सम्बोधन गर्नु पनि लाज मर्दो हुने बताएका थिए । 

 समाजवादको सपना देखाएर जनतालाई भ्रममा पारी झण्डै दुईतिहायी बुहुमत सहितको जनमत प्राप्त गरे पनि नेतृत्वको आन्तरिक विवाद र भाग वण्डा नमिलेका कारण जनमतको अपमान हुनेगरी संसद विघटन गर्नुले नक्कली कम्युनिष्ट भएको प्रमाणित भएको उनीहरुको दावी रहेको थियो । 


Views: 72