लुम्बिनी प्रदेश सभाको विशेष अधिवेशन आह्वान

हिमालय टाइम्स   POSTED ON : श्रावण २१, २०७८ (४:२८ PM)

लुम्बिनी प्रदेश सभाको विशेष अधिवेशन आह्वान

काठमाडौं । लुम्बिनी प्रदेश सभाको विशेष अधिवेशन आह्वान भएको छ।

मुख्यमन्त्री शंकर पोखरेलविरुद्ध परेको अविश्वास प्रस्तावमाथि छलफलका लागि साउन २७ गते विशेष अधिवेशन बोलाइएको हो ।

प्रदेशसभा सचिवालयले बिहीबार एक सूचना जारी गरी साउन २७ गते दिउँसो १ बजे विशेष अधिवेशन आह्वान गरिएको सूचनामा उल्लेख छ ।

मंगलबार लुम्बिनी प्रदेशका मुख्यमन्त्री पोखरेलविरुद्ध प्रदेश सभा सचिवालयमा अविश्वास प्रस्ताव दर्ता भएको थियो । 

नेपाली कांग्रेस, नेकपा (माओवादी केन्द्र), जनता समाजवादी पार्टी, राष्ट्रिय जनमोर्चासहित एक चौथाइ सांसदले हस्ताक्षर गरेर प्रदेश सभा सचिवालयमा अविश्वास प्रस्ताव दर्ता गराएको थिए ।

यसअघि लुम्बिनीका विपक्षी दल नेपाली कांग्रेस, माओवादी केन्द्र, जनता समाजवादी पार्टी र जनर्मोचाले दुई पटक अविश्वासको प्रस्ताव दर्ता गरिसकेका छन् । मुख्यमन्त्री पोखरेलविरुद्ध  वैशाख ६ गते पहिलोपटक अविश्वासको प्रस्ताव दर्ता भएको थियो । त्यसैगरी दोस्रो पटक वैशाख २६ गते पुनः अविश्वासको प्रस्ताव दर्ता गराएका थिए ।




Top