29th November | 2020 | Sunday | 4:02:21 PM

विष्णु रिजालको कटाक्ष : 'धेरै बिराला भए भने मुसा मार्दैनन्,

हिमालय टाइम्स   POSTED ON : कार्तिक ८, २०७७ (२:१० PM)

विष्णु रिजालको कटाक्ष : 'धेरै बिराला भए भने मुसा मार्दैनन्,

काठमाडौ । सत्तारूढ दल नेपाल कम्युनिस्ट पार्टी (नेकपा) का नेता विष्णु रिजालले कटाक्ष गर्नु भएको छ । उहाँले  पार्टी भित्रको आन्तरिक किचलोलाई लिएर कटाक्ष गर्नु भएको हो ।
उहाँले दुई अध्यक्ष भएका कारण पार्टी यता न उताको अवस्थामा पुगेको भन्दै असन्तुष्टि व्यक्त गर्नु भएको छ ।    
कर्णाली प्रदेशसभामा देखिएको विवादमा अध्यक्षद्वय केपी शर्मा ओली र पुष्पकमल दाहाल 'प्रचण्ड'ले छुट्टाछुट्टै वक्तव्य र निर्देशन दिएकोप्रति संकेत गर्दै नेकपाको विदेश विभागका उपप्रमुख रिजालले शनिबार सामाजिक सञ्जालमार्फत कटाक्ष गर्नु भएको हो ।
‘महाभारतमा भनिएको छ, ‘नश्यन्ति बहुनायक’ अर्थात् बहुनायक भए भने नाश हुन्छ। गाउँघरमा भनाइ छ, ‘धेरै बिराला भए भने मुसा मार्दैनन्, अर्थात् हुनुपर्ने काम हुँदैन,’ नेता रिजालले ट्विटरमा लेख्नु भएको छ, ‘हाम्रो पार्टीको चालढाल हेर्दा ‘खोइ के, खोइ के’ भन्नुपर्ने अवस्था उत्पन्न भएको छ। ४ दिनमा २ वक्तव्य, २ निर्देशन!’

Views: 83