22nd January | 2021 | Friday | 12:19:02 PM

वरिष्ठ नेता पौडेलको गिरफ्तारीको विषयलाई लिएर माइतीघरमा प्रदर्शन

हिमालय टाइम्स   POSTED ON : मंसिर १७, २०७७ (७:५५ PM)

वरिष्ठ नेता पौडेलको गिरफ्तारीको विषयलाई लिएर माइतीघरमा प्रदर्शन

काठमाडौ । नेपाली कांग्रेसका वरिष्ठ नेता रामचन्द्र पौडेललाई प्रहरीले गिरफ्तार गरेको विरोधमा नेपाल विद्यार्थी संघले बुधबार साँझ काठमाडौंको माइतीघरमा विरोध प्रदर्शन गरेको छ ।
विरोध प्रदर्शनमा नेविसंघका कार्यकर्ताले सरकार विरुद्ध नाराबाजी गरेका छन्। 
तनहुँको व्यास नगरपालिका एक पुलको उद्घाटन गर्न पुग्नु भएको पौडेललाई स्थानीय प्रशासनले निषेधाज्ञा उल्लंघन गरेको भन्दै गिरफ्तार गरेको थियो ।

करिव तीन घन्टा नियन्त्रणमा लिएर आज साँझ पौडेललाई प्रहरीले रिहा गरेको छ ।
विरोध प्रदर्शनपछि आयोजित कोणसभालाई नेविसंघका अध्यक्ष राजीव ढुंगाना लगायतले सम्बोधन गर्नु भएको थियो ।

कांग्रेसले वरिष्ठ नेता पौडेलको गिरफ्तारीलाई सरकारको अधिनायकवादी चरित्रको प्रदर्शन भनेको छ ।



Views: 133