17th April | 2021 | Saturday | 2:17:41 AM

जनसभा आयोजना संविधानको रक्षा र राजनीतिक स्थायित्वका लागि–ईश्वर पोखरेल

हिमालय टाइम्स   POSTED ON : माघ १२, २०७७ (४:०६ PM)

जनसभा आयोजना संविधानको रक्षा र राजनीतिक स्थायित्वका लागि–ईश्वर पोखरेल

काठमाडौं । उपप्रधानमन्त्री एवं नेपाल कम्युनिष्ट पार्टी(नेकपा) केपी शर्मा ओली पक्षका नेता ईश्वर पोखरेलले संविधानको रक्षा र राजनीतिक स्थायित्वको पक्षमा जनसभा आयोजना गर्न लागिएको बताउनुभएको छ ।  

सोमबार नेपाल कम्युनिष्ट पार्टी(नेकपा) बागमती प्रदेश संगठन कमिटीको आयोजनामा माघ २३ गते काठमाडौँमा हुने जनसभाको जानकारी दिन आयोजित पत्रकार सम्मेलनमा बोल्दै उपप्रधानमन्त्री पोखरेलले जनसभा राजनीतिक स्थायित्वको पक्षमा तथा अस्थिरता सिर्जना गर्ने प्रयत्नको विरुद्दमा आयोजना गरिएको बताउनुभयो । संविधानको रक्षा, आर्थिक समृद्धि र विकासका लागि मार्ग प्रशस्त भइरहोस् भन्नका निम्ति जनसभा आयोजना गरिएको पनि पोखरेलले बताउनुभयो ।

उपप्रधानमन्त्री पोखरेलले पार्टी अध्यक्ष पुष्पकमल दाहाल प्रचण्डले कार्तिक २८ गते अध्यक्ष ओलीलाई लगाएको आरोप तथा अभियोगपत्र फिर्ता लिएर घोषित निर्वाचनमा सहभागी हुन तयार भए अहिलेको विषय टार्न सकिने बताउनुभयो ।

उपप्रधानमन्त्री खरेलले निर्वाचन आयोगले आइतबार गरेको नेकपा कानूनी रुपमा फुट्न नमिल्ने निर्णय सकारात्मक रहेको बताउनुभयो । आफुहरुले पार्टीबाट कसैलाई निस्कासन नगरेको भन्दै उहाँले कसैले चाहेर पनि पार्टी फुटाउन नसक्ने बताउनुभयो । आयोगको निर्णयले केपी ओली नेतृत्वको नेकपालाई बल पुग्ने उहाँको भनाई छ ।


Views: 56