ग्लोबल एनआरएन सिंगिङ आइडलमा छानिए १५ प्रतिस्पर्धी

हिमालय टाइम्स   POSTED ON : भदौ ७, २०७८ (७:२६ AM)

ग्लोबल एनआरएन सिंगिङ आइडलमा छानिए १५ प्रतिस्पर्धी

काठमाडौं । ग्लोबल एनआरएन सिंगिङ आइडल-२०२१ मा १५ प्रतिस्पर्धी छनोट गरिएको छ । ‘नेपाली कला, संस्कृति, संरक्षण र पहिचान, एनआरएनए दोस्रो पुस्ताको अभियान’ ग्लोबल एनआरएन सिंगिङ आइडल सेकेण्ड जेनेरेसन सिजन–१ को गाला राउण्डबाट उत्कृष्ट १५ जना छनौट भएका हुन् । यस आइडलको पहिलो संस्करणमा विश्वका विभिन्न देशबाट भाग लिएका छन् । 

ग्लोबल एनआरएन सिंगिङ आइडलका निर्णायक गायक उदय सोताङ र विजय लामा तथा गायिका प्राश्ना शाक्य र सुनिता दुलालको ६० अंक र ४० प्रतिशत दर्शकको भोटमार्फत प्राप्त ४० अंकबाट १५ जना उत्कृष्ट प्रतिस्पर्धी छानिएका हुन् । १५ जना उत्कृष्ट प्रतिस्पर्धीहरूमा युवराज गुरुङ (क्यानडा), बीबी मल्ल ठकुरी (कुवेत), नरेन्द्र मल्ल (कतार), सन्देश गुरुङ (अमेरिका), गोविन्द गुरुङ (कतार), आकाश न्यौपाने (जापान), कविता आरबिएम (युएई), सुरेन घताङ ‘शिव’ (कोरिया) रहनुभएको छ । 

त्यसैगरी, कपिल पाइजा पुनमगर (आयरल्याण्ड), सागर विश्व सेञ्चुरी (कुवेत), रामचन्द्र राई (कतार), कृष्ण खवास (युएई), प्रतीक सिडब्ल्युए परियार (बहराइन), सतिश थापा (कतार) र रेशु स्याङतान (बहराइन) उत्कृष्ट २० मा पर्न सफल हुनुभएको छ ।

ग्लोबल एनआरएन सिंगिङ आइडलमा निर्णायकको मत ६० प्रतिशत र भोटिङमार्फत ४० प्रतिशत अंक प्राप्त गर्नेछन् । सोही आधारमा प्रतिस्पर्धी अघिल्लो चरणमा प्रवेश गर्नेछन् । ग्लोबल एनआरएन सिंगिङ आइडलका विजेताले ७ लाख रुपैयाँ प्राप्त गर्ने छन् । त्यसैगरी, दोस्रो पुरस्कार चार लाख रुपैयाँ, तेस्रो पुरस्कार दुई लाख रुपैयाँ, चौथो पुरस्कार एक लाख रुपैयाँ र पाँचौं पुरस्कार ५० हजार रुपैयाँ तोकिएको छ । ग्राण्ड फिनालेमा प्रवेश पाउने पाँचजना प्रतियोगीलाई गीति एल्बममा गीत गाउने अवसर प्रदान गरिनेछ ।


Top