27th February | 2021 | Saturday | 3:39:20 PM

मैले राजीनामा दिएको छैन, षड्यन्त्रकारीले हल्ला चलाए : महान्यायाधिवक्ता खरेल

हिमालय टाइम्स   POSTED ON : फाल्गुन ११, २०७७ (१२:४७ PM)

मैले राजीनामा दिएको छैन, षड्यन्त्रकारीले हल्ला चलाए : महान्यायाधिवक्ता खरेल

काठमाडौं । महान्यायाधिवक्ता अग्नि खरेलले आफूले राजीनामा नदिएको बताउनु भएको छ ।

खरेलले राजीनामा दिएको हल्ला चलाएर आफूमाथि षड्यन्त्र गर्न खोजेको बताउँदै भन्नुभयो ‘मैले राजीनामा दिएको छैन । राजीनामा गर्नुपर्ने परिस्थिति नि छैन । कुनचाहिं षड्यन्त्रकारीले कुनामा बसेर हल्ला चलाए ।’

मंगलबार बिहानैदेखि राजीनामा दिएको हल्ला आएपछि महान्यायाधिवक्ता खरेलले आफूले राजीनामा नदिएको र दिनुपर्ने परिस्थिति पनि नरहेको बताउनुभएको हो । आफू राजीनामा दिने सोचमा समेत नरहेको बताउनुभयो । उहाँले भन्नुभयो ‘अहिले महान्यायाधिवक्ताले राजीनामा दिने परिस्थिति पनि होइन, राजीनामा दिएको पनि होइन, राजीनामा दिने सोच पनि छैन ।’

आपूmले प्रेस स्वतन्त्रताको बारेमा सधै अगाडि रहेर आवाज उठाई राखेको तर आफ्नो राजीनामाको बारेमा एकपटक समेत नसोधि समाचार आउँदा दुःख लागेको बताउनुभयो । उहाँले भन्नुभयो ‘जिम्मेवार प्रेसले कुनैपनि विषयलाई महान्यायाधिवक्ताले राजीनामा गर्नुभएको छ भन्ने जस्तो गम्भिर विषयलाई अगाडि राख्दाखेरी महान्यायाधिवक्तासँग नसोधिकन राखिने कुराप्रति मेरो गम्भिर चासो, सरोकार छ र यस प्रति म दुःख व्यक्त गर्छु ।’

महान्यायाधिवक्ताले राजीनामा ग¥यो भन्ने विषय आउँदा मिडियाले आफूलाई एकपटक पनि नसोधी समाचार सम्प्रेसण गरको उहाँले बताउनुभयो । अहिलेको परिस्थितिलाई आफू अनुकुल बनाउन चाहनेहरुबाट यस्तो हल्ला आएको पनि महान्यायधिवक्ता खरेलले बताउनुभयो । आफूले अदालतमा गरेको बहस प्रति प्रधानमन्त्री सन्तुष्ट रहनुभएको उल्लेख गर्दै मिडियामा आएका विभिन्न हल्ला निराधार रहेको पनि स्पष्ट पार्नुभयो । उहाँले भन्नुभयो ‘अहिलेको परिस्थितिलाई आफू अनुकुल बनाउने पनि कसैको कोसिस हुनसक्छ । प्रतिकुलतालाई अनुकुलतामा बदल्ने कोसिस पनि हुनसक्छ । सरकारको लडाईलाई कमजोर बनाउने पनि हुनसक्छ । लेखिएको रहेछ कतै प्रधानमन्त्री असन्तुष्ट रहनुभयो महान्यायाधिवक्ता कार्यालय र सरकारी वकिलबाट गरिएको डिफेन्सलाई लिएर । जबकी प्रधानमन्त्रीले मलाई बोलाएरै करिब ६÷७ दिनको बहसको कतिपय पाटापक्षलाई उहाँले सुनेर तपाईहरुले राम्रो गर्नुभएछ भनेर बधाई छ धन्यवाद छ परिणाम आफ्नो ठाउँमा छदैछ तर जे भएपनि तपाईहरुको तर्फबाट गरिने डिफेन्स राम्रो ढंगले भयो । हामी आशा गरेकै परिणाम सकारात्मक हुनसक्छ भन्ने कुरा उहाँले मलाई भन्नुभएको थियो ।’

यही कुरालाई प्रधानमन्त्रीले असन्तुष्टि जायर गर्नुभयो भन्ने कुरा कतै स्रोत नखुलेको भनेर मिडियामा आएको पाइएको बताउनुभयो ।


Views: 37