काठमाडौं । राष्ट्रिय वाणिज्य बैंकले देशका विभिन्न छ स्थानमा आइतबार एकैपटक शाखा विस्तार गरेको छ । सुनसरीको हरिनगरा नगरपालिका २, भुटाहास्थित शाखा, काठमाडौं महानगरपालिक २ स्थित लाजिम्पाट शाखा, काठमाडौँ महानगरपालिका ४ स्थित सुकेधारा शाखा, पोखरा महानगरपालिका १ स्थित हरिचोक शाखा, रूपन्देहीकोे तिलोत्तमा नगरपालिका ५ स्थित मणिग्राम शाखा, बर्दियाकोे बढैयाताल गाउँपालिका ६ स्थित मैनापोखर शाखा विस्तार गरेको हो ।
पछिल्ला शाखासँगै बैंकका शाखा कार्यालय संख्या २९४ पुगेको छ । साथै बैंकले सोही दिन स्याङ्जाको चापाकोट नगरपालिका १० स्थित इसान बहुप्राविधिक शिक्षालयमा ७३औँ एक्सटेन्सन काउन्टरसमेत सञ्चालनमा ल्याएको जनाएको छ ।