Date:2017/10/17 |Tuesday

अन्तर्राष्ट्रिय आमन्त्रण कबड्डीमा भारत च्याम्पियन

Posted on: September 24, 2017 | views: 40 |

हिमालय टाइम्स

काठमाडौं । भारत नेपालमा भएको पहिलो अन्तर्राष्ट्रिय आमन्त्रण कबड्डी प्रतियोगिताको भारत च्याम्पियन बनेको छ । त्रिपुरेश्वरस्थित राष्ट्रिय खेलकुद परिषद् (राखेप) को कवर्डहलमा शनिबार भएको फाइनलमा आयोजक नेपाललाई ५९–२१ को फराकिलो अन्तरमा पराजित गर्दै भारत प्रतियोगिताको च्याम्पियन बनेको हो । 

एकपक्षीय बनेको खेलमा भारत घरेलु टोली नेपालविरुद्ध निकै हावी हुँदा पहिलो हाफमा ३७–११ को आरमदायी अग्रता लिएको थियो । दोस्रो हाफमा नेपालले सुधारिएको प्रदर्शन गरेपनि २२–१० ले भारतलाई नतिजा सुम्पियो । 

तीन राष्ट्र सहभागी प्रतियोगिता सुपर लिगको आधारमा भएको थियो ।

लिगमा नेपाल उपविजेता र भारत विजेता बन्दै फाइनलमा प्रवेश गरेका थिए । विजयी खेलाडीलाई राखेपका सदस्यसचिव केशवकुमार विष्ट, अखिल नेपाल कबड्डी संघका अध्यक्ष तुलसी थापाले पुरस्कृत गरिन् । 


Share your thoughts!


इम्प्रेसन पब्लिकेसन एण्ड मिडिया प्रा.लि.द्वारा सञ्चालित
केन्द्रीय कार्यालय – मध्यबानेश्वर काठमाडौं