काठमाडौं । न्यु डायमण्ड क्लवको हारसँगै एक खेल अगावै सातौं शेरबहादुर खड्का स्मृति राष्ट्रिय महिला भलिबल प्रतियोगिताको फाइनल पुग्ने टोलीको टुङ्गो लाग्न सकेन ।
बिहीवारको जितले न्यु डायमण्ड एपिएफसँगै एक खेल अगावै फाइनल पुग्ने समीकरण थियो । यद्यपि, न्यु डायमण्डले अग्रता जोगाउन नसक्दा पुलिसलाई ३–१ ले नजिता सुम्पिन पुग्यो । यससँगै समान एक खेल बाँकी छँदा फाइनल समीकरण रोमाञ्चक बनेको छ । अब शुक्रवार लिगको अन्तिम खेलमा पुलिसले आर्मी तथा न्यु डायमण्डले एपिएफसँग खेल्नेछ । यही खेलले फाइनलमा पुग्ने टोलीको टुङ्गो लाग्नेछ । यद्यपि, एपिएफका लागि फाइनल पुग्न एक अंक पनि पर्याप्त छ भने पुलिस, न्युडायमण्ड र त्रिभुवन आर्मीलाई फाइनल पुग्न जितको विकल्प हुने छैन ।
चार टोली सहभागी प्रतियोगितामा दुई खेल जित्दै एपिएफ बिहीवार फाइनलनजिक पुगेको हो । त्रिपुरेश्वरस्थित राष्ट्रिय खेलकुद परिषद्को कभर्डहलमा बिहीबार एपिएफले विभागीय प्रतिद्वन्द्वी त्रिभुवन आर्मीमाथि ३–२ को रोमाञ्चक जित निकाल्दै फाइनलमा स्थान बनाएको हो । एपिएफले पहिलो दुई सेटको अग्रता जोगाउन नसक्दा खेलको निर्णय पाँचौं सेटसम्म लम्बिएको हो । पहिलो दुई सेट समान २५–२३ र २५–२३ ले आफ्नो बनाउँदै एपिएफ सहज जिततर्पm अग्रसर भयो ।
तर आर्मीले उत्कृष्ट पुनरागमन ग¥यो । आर्मीले तेस्रो सेट २५–१३ र २५–२४ ले आफ्नो बनाउँदै एपिएफलाई कडा चुनौती दियो । तर निर्णायक तथा अन्तिम सेट एपिएफले १५–९ ले आफ्नो बनाउँदै रोमाञ्चक जित निकाल्यो । दिनको दोस्रो खेलमा अर्को विभागीय टोली नेपाल पुलिसले न्युडायण्डलाई हराउँदै फाइनलमा पुग्ने सम्भावना जीवन्त राख्यो । न्युडायमण्डले पहिलो सेट जित्दै अग्रता लिएको थियो । यो सेट न्युडायमण्डले २५–१८ ले आफ्नो बनायो । तर यो अग्रता जोगाउन नसक्दा न्युडायमण्डले हार सामना ग-यो ।
त्यसपछि पुलिसले २५–२२, २५–२२ र २५–१८ ले रोमाञ्चक जित निकाल्दै न्युडायमण्डको लक्ष्य पूरा हुन दिएन । यससँगै चार टोली सम्मिलित लिगमा समान दुई खेल सकिएको छ । एपिएफको पाँच अंक, पुलिस र न्यु डायमण्ड क्लबको समान तीन अंक र आर्मीको एक अंक छ । यसअघि पहिलो खेलमा एपिएफले पुलिस र न्यु डायमण्डले आर्मी क्लवलाई ३–१ को समान सेटमा हराउँदै जित निकालेका थिए । राउण्ड रोविन लिगका आधारमा हुने प्रतियोगितामा शीर्ष २ स्थानमा हरने टिम फाइनलमा प्रवेश गर्ने छन् ।
चारै टिमले नगद पुरस्कार पाउनेछन् । विजेताले चार लाख ९९ हजार र उपविजेताले दुई लाख ५० हजार नगद पुरस्कार जित्ने छन् । तेस्रो हुने टोलीले एक लाख २५ हजार तथा चौथोले ६२ हजार रुपैयाँ नगद पुरस्कार प्राप्त गर्नेछन् । प्रतियोगिताको सर्वोत्कृष्ट खेलाडीले ५० हजार, विधागततर्फ उत्कृष्ट हुनेले जनही २५ हजार र हरेक खेलको प्लेयर अफ दी म्याचलाई १५ हजार रुपैयाँ नगद पुरस्कार प्रदान गरिनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच