झापा । झापामा सम्पन्न सहारा हाफ म्याराथनको उपाधि महिलातर्फ एपिएफकी पुष्पा भण्डारी र पुरुषतर्फ त्रिभुवन आर्मी क्लबका सञ्जय श्रेष्ठले जित्नुभएको छ । १३औँ दक्षिण एसियाली खेलकुद (साग) को म्याराथनमा रजत पदक जितेकी पुष्पाले चारपाने झापामा मंगलबार १ घण्टा २१ मिनेट १७ सेकेण्डमा दौड पूरा गर्दै उपाधि जित्नुभयो ।
सञ्जयले निर्धारित दूरी १ घण्टा ६ मिनेट २२ सेकेण्डमा पूरा गर्नुभयो । पुष्पा र सञ्जयले उपाधिसहित ५१ हजार रुपैयाँ प्राप्त गर्नुभयो । महिलातर्फ नेपाल प्रहरीकी रेखा विष्टले निर्धारित दूरी १ घण्टा २४ मिनेट ३४ सेकेण्डमा पूरा गर्दै दोस्रो र नेपाल प्रहरीकै सुमित्रा चौधरीले निर्धारित दूरी १ घण्टा २९ मिनेट ३० सेकेण्डमा पूरा गर्दै तेस्रो स्थान हासिल गर्नुभयो । दोस्रो हुनुभएकी रेखाले ३१ हजार र सुमित्राले २१ हजार रुपैयाँ प्राप्त गर्नुभयो ।
त्यस्तै, पुरुषतर्फ केन्याली धावक सिमिओन किप्लागातोेले १ घण्टा ७ मिनेट १७ सेकेण्डको समय निकाल्दै दोस्रो स्थान हासिल गर्नुभयो । आर्मीका मोहनदेव जोशीले १ घण्टा ७ मिनेट २२ सेकेण्डमा दौड पूरा गर्दै तेस्रो स्थान हासिल गर्नुभयो । सिमिओनले ३१ हजार र मोहनदेवले २१ हजार रुपैयाँ प्राप्त गर्नुभयो ।
महिलातर्फ सशस्त्र प्रहरीकी सीमा चौधरी चौथो, ताप्लेजुङकी सम्पालुङ शेर्पा पाँचौँ, धरानकी कल्पना राई छैटौँ, आर्मीकी पनिशा गुरुङ सातौँ, धरानकी जमुना गुरुङ आठौँ, आर्मीकी अनिता रेग्मी नवौँ र आर्मीकै शकुन्तला विक दशौँ हुनुभयो । पुरुषतर्फ आर्मीका खड्गबहादुर खड्का चौथो, हरि रिमाल पाँचौँ, देवराज बस्नेत छैटौँ, प्रेमबहादुर बस्नेत सातौँ हुनुभयो । पाँचथरका दिपक सुहाङ आठौँ, धरानका प्रशान्त तामाङ नवौँ र आर्मीका जितेन्द्र दनुवार दशौँ हुनुभयो ।
चौथोदेखि दशौँसम्म हुने पुरुष तथा महिला धावकले सान्त्वना पुरस्कारस्वरूप नगद पाँच हजार र प्रमाणपत्र पाउनुभयो । सहारा नेपाल साकोसले आफ्नो २८औँ स्थापना दिवसका अवसरमा आयोजना गरेको प्रतियोगितामा महिला तथा पुरुष गरी ५ सय ३४ जना धावकहरूले सहभागिता जनाएका थिए ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच