मानेभञ्ज्याङ (भारत) । सातौँ मानेभञ्ज्याङ गोल्डकप प्रतियोगितामा सिलोङ लाजोङ एफसी र टेरिटोरियल आर्मी दार्जिलिङ विजयी भएका छन् । शनिबार सम्पन्न खेलमा सिलोङले घरेलु टोली मानेभञ्ज्याङ एफसी तथा आर्मीले रोलिङ क्लब धुलाबारी झापालाई हराएका हुन् । पहिलो खेलमा सिलोङले दुई-एक गोल अन्तरले जित निकालेको थियो । खेलको सुरुवाती अग्रता सिलोङले लिएको थियो । १५औँ मिनेटमा सानोले सिलोङलाई अग्रता दिलाउनुभयो ।
२३औँ मिनेटमा वादाजितले अग्रता दोब्बर बनाउनुभयो । पहिलो हाफमा दुई-शून्यले पछि परेको मानेभञ्ज्याङका लागि कप्तान टाक्सिक भुटियाले ६०औँ मिनेटमा एक गोल फर्काउनुभयो । त्यसैगरी दोस्रो खेलमा आर्मीले रोलिङमाथि तीन-शून्यको जित निकाल्न सफल रहृयो । रोलिङ तीनजना नेपाली यू-१९ राष्ट्रिय टिमको सदस्यसहित मैदान उत्रिएको थियो । पहिलो हाफ गोलरहित बराबरीमा सकिएको खेलको गोल दोस्रो हाफमा निस्किएको थियो ।
४८औँ मिनेटमा लाक्पा तामाङले सुरुवाती गोल गर्नुभएको थियो । ५४औँ मिनेटमा लाक्पाले व्यक्तिगत गोल संख्या दोब्बर बनाउनुभयो । ६५औँ मिनेटमा एस केपगेनले गोल गरेपछि तीन-शून्य गोल अन्तरको जितका साथ आर्मीले अन्तिम आठमा स्थान बनायो ।
प्रतियोगिताको आइतबारबाट क्वाटरफाइनलका खेलहरू सुरु हुनेछन् । पहिलो क्वाटरफाइनलमा बिएसके जलपाइगुडी र दलसिङपाडा स्पोटर््स एकाडेमी डुवर्स तथा दोस्रो क्वाटरफाइनल खेलमा चाँद एफसी तीनधारिया र जर्जियन एफसी कालेम्पोङ भिडनेछन् ।
जलपाइगुडीले पानबारी एफसी धरानलाई हराउँदै अन्तिम आठमा स्थान बनाएको थियो । दलसिङपाडाले सिङलिङ स्पोर्टिङ क्लब सोरेङ सिक्किमलाई हराएको हो । त्यसैगरी चाँदले रेडहर्स इलाम तथा जर्जियनले डिएसए हावडालाई हराएको थियो ।
प्रतियोगितामा नेपालका पाँच र भारतका ११ क्लबको सहभागिता छ । प्रतियोगिताको विजेताले आठ लाख रुपैया (पाँच लाख भारु) तथा उपविजेताले चार लाख (दुई लाख ५० हजार भारु) पाउनेछन् । फाइनल खेल अक्टोबर १५ तारिखमा हुनेछ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच