भोजपुर । भोजपुरको हतुवागढी गाउँपालिका वडा नम्वर ६, सुम्निमा टोलको एक घरमा लागेको आगोलागीबाट तीन लाख बढीको क्षति भएको छ ।
स्थानीय रामप्रसाद राईको घरमा सोमवार बिहान साढे तीन बजे तिर आगोलागी हुुदाँ घर र भित्र भएका सामानहरु पूर्णरुपमा नष्ट भएको जिल्ला प्रहरी कार्यालय भोजपुरका सुचना अधिकारी प्रहरी निरीक्षक दल कुमार राईले जानकारी दिनुभयो । आगोलागीबाट करिव तीन लाख आठ हजार पाँच सय रुपैया बरावरको क्षति भएको राईले बताउनुभयो ।
ढुंगा माटो र फुसको छानो भएको दुई तले कच्ची घरमा चुलोबाट आगो सल्किएर घटना भएको प्रहरीले जनाएको छ । घर जलेपछि राईको छ जनाको परिवारलाई आफनै गोठमा बस्ने ब्यवस्था मिलाईएको छ ।
आगोलागी स्थलमा इलाका प्रहरी कार्यालय घोडेटारबाट प्रहरी सहायक निरीक्षकको नृतृत्वमा प्रहरी पठाइएको थियो । आगोलागी स्थल इलाका प्रहरी कार्यालयबाट १४ किलोमिटरको दुरीमा पर्छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच