काठमाडौं । गीतकार ज्ञानेन्द्र गदालको ‘फूल हौ तिमी’ गीत लोकार्पण गरिएको छ । गीतकार संघ नेपालको आयोजनामा शुक्रबार काठमाडौंमा भएको कार्यक्रममा संगीतरत्न शम्भुजित बास्कोटाको प्रमुख आतिथ्यतामा उक्त गीतको भिडियो लोकार्पण गरिएको हो । कीर्तिमानी संगीतकार सन्तोष श्रेष्ठको संगीत, निशान भट्टराई र अस्मिता अधिकारीको स्वर छ गीतमा ।
प्रमुख अतिथि बास्कोटाले २०२८ सालमा आफैंले शब्द लेखेर र संगीत गरेको क्षण सम्झिँदै त्यतिखेर दर्शक र श्रोताको मनमा मात्र दर्ता गर्दा हुने समय रहेको भन्दै अहिलेकोे अवस्था फेरिएको सुनाउनुभयो । उहाँले गीतकार गदालको शब्द, साहित्य सरल रहेको पनि बताउनुभयो । बास्कोटाले संगीतकार सन्तोषको आफ्नोपनको संगीतले गीतलाई सुन्दर बनाएको जिकिर गर्नुभयो ।
गीतकार संघ नेपालका अध्यक्ष वसन्त वित्यासी थापाको सभापतित्वमा भएको कार्यक्रममा संगीतकार श्रेष्ठ, अन्तर्राष्ट्रिय नेपाली कलाकार समाजका पूर्वअध्यक्ष तथा गायक कन्हैया सिं परियार, चलचित्र निर्मात्री सावु गदाल कार्की, गीतकार संघ नेपालका कोषाध्यक्ष चेतन खतिवडा, उपाध्यक्ष रमेश कोइरालालगायतले आ–आफ्ना भनाइ राख्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच