काठमाडौं । नेपालको पुरुष फुटबलको फिफा वरीयता दुई स्थान तल झरेको छ । विश्व फुटबलको सर्वोच्च निकाय फिफाले बिहीबार सार्वजनिक गरेको वरीयताअनुसार दुई स्थान तल झरेको हो । फिफाले बिहीबार जारी गरेको वरीयताअनुसार नेपाल १७५औँ स्थानमा छ । यसअघिको नेपालको वरीयता १७३ औँ स्थानमा रहेको थियो ।
विश्वकप फुटबलको दोस्रो चरणको छनोटमा युएई र यमनसँग लगातार पराजय भोगेको नेपालको वरीयतासमेत घटेको हो । दक्षिण एसियामा नेपालभन्दा माथि रहेको भारत १०२औँ स्थानमा, अफगानिस्तान १५८औँ स्थानमा र माल्दिभ्स १६१औँ स्थानमा छन् ।
नेपालभन्दा तल रहेको बंगलादेश १८३औँ स्थानमा, भुटान १८४औँ स्थानमा, पाकिस्तान १९५औँ स्थानमा र श्रीलंका २०४औँ स्थानमा छ ।
विश्व वरीयतामा अर्जेन्टिना पहिलो र फ्रान्स दोस्रो स्थानमा छन् । इंल्याण्ड विश्व वरीयताको तेस्रो स्थानमा उक्लिँदा बेल्जियमले समेत चौथो स्थानमा आफूलाई राखेको छ ।
विश्वकप छनोटमा लगातार तीन हार बेहोरेको ब्राजिल पाँचौँ, नेदरल्याण्ड्स छैटौँ, पोर्चुगल सातौँ, स्पेन आठौँ, इटाली नवौँ र क्रोएसिया दशौँ स्थानमा छ ।
यसैबीच नेपाल फुटबल खेलाडी संघ र निर्वाणा कलेज तथा स्कुलबीच सहकार्य गर्ने सम्झौता भएको छ । ललितपुरको कुमारीपाटीस्थित निर्वाणा कलेजमा भएको एक कार्यक्रममाझ दुई पक्षबीच सम्झौता भएको हो । कलेजका तर्फबाट प्रधानाध्यापक मणिराम बञ्जाडे र संघका तर्फबाट अध्यक्ष विक्रम लामालगायतले सम्झौता पत्रमा हस्ताक्षर गर्नुभयो ।
सम्झौताअनुसार कलेज र संघले शैक्षिक र खेल करिअर एकसाथ अघि बढाउन सक्ने क्षमता भएका फुटबल खेलाडीहरूलाई छात्रवृत्ति प्रदान गर्न सहकार्य गर्नेछन् । दुवै पक्षले समुदायभित्र फुटबल खेललाई प्रवद्र्धन र विकास गर्न सहकार्य गर्नेछन् ।
फुटबल प्रतियोगिता र कार्यक्रम आयोजनामा पनि दुई पक्ष मिलेर अघि बढ्ने प्रतिबद्धता व्यक्त गरिएको छ । स्कुलले खेलाडीका छोराछोरीलाई शिक्षामा ५० प्रतिशत छात्रवृत्ति दिने सहमति भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच