आगलागीबाट घरगोठमा क्षति

सांकेतिक तस्बिर

रमेश विश्वकर्मा गुल्मी, संवाददाता

१७ बैशाख २०८१, सोमबार २०:१८

Read Time = 2 mins

डिजिटल संस्करण

प्रदेश समाचार

लुम्बिनी प्रदेश

A A- A+

गुल्मी । गुल्मीमा आगलागीबाट घरगोठमा क्षति भएको छ । जिल्लाको गुल्मीदरबार गाउँपालिका-५, डाँडापोखरीमा लागेको आगोबाट घरगोठमा क्षति भएको जिल्ला प्रहरी कार्यालय गुल्मीले जनाएको छ ।

सोमबार दिउँसो करिब ३:०० बजेको समयमा डाँडापोखरीस्थित निजी खरबारी तथा जङ्गलमा लागेको आगो फैलिएर घरगोठमा क्षति भएको जिल्ला प्रहरी कार्यालय गुल्मीका सूचना अधिकारी एवम् प्रहरी नायब उपरीक्षक शंकर पोखरेलले जानकारी दिनुभयो ।

प्रहरी नायब उपरीक्षक पोखरेलका अनुसार ढकाल टोलका रविन ढकालको ढुङ्गा माटोले बनेको टिनले छाएको तीन तले घर र दुई तले गोठमा आगलागी भएको हो । त्यस्तै, अपरान्ह करिब ४:५० बजेको समयमा डाँडापोखरीका रिता ढकालको ढुङ्गा माटोले बनेको टिनले छाएको एक तले गोठमा आगलागी भएको बताइएको छ ।

घर र गोठ पूर्णरुपमा जलि क्षति भएको छ । आगलागीबाट मानवीय र पशु चौपायाको क्षति भएको छैन् । प्रहरी र स्थानीय करिब २५/३० जनाको सहभागितामा आगो निभाउने कार्य भईरहेको छ । क्षतिको विस्तृत विवरण आउन बाँकी रहेको प्रहरीले जनाएको छ ।

सरोकार

यो खबर पढेर तपाईलाई कस्तो महसुस भयो ?