पाल्पा । पाल्पा कारागारमा रहेका कैदीबन्दीले रक्तदान गरेका छन् । शुक्रबार विश्व रक्तदाता दिवसको अवसरमा यहाँका ३६ जना कैदीबन्दीले रक्तदान नै जीवनदान हो भन्दै स्वतस्फूर्त रूपमा रक्तदान गरेका हुन् ।
पाल्पा जेसिजले रक्तदाता दिवसको अवसरमा कारागारमा आयोजना गरेको रक्तदान कार्यक्रममा कैदीबन्दीहरु स्वतस्फूर्त रुपमा आई रक्तदान गरे । रक्तदान गरेका ३६ जना बन्दी मध्ये २१ जना २०–३० र १५ जना ३०–४० वर्ष उमेर समूहका रहेका छन् ।
रक्तदान कार्यक्रममा सहभागी हुन पुग्नु भएका प्रमुख जिल्ला अधिकारी आनन्द काफ्लेले कारागारका बन्दीहरुलाई रक्तदान अभियानमा जोडेकोमा पाल्पा जेसिजप्रति आभार व्यक्त गर्नुभयो । उहाँले जिल्लामा हुने रगत अभावलाई केही हदसम्म भएपनि पूर्ति गर्न टेवा पुग्ने विश्वास व्यक्त गर्नुभयो ।
प्रजिअ काफ्लेले भन्नुभयो‘ युवाहरुको नेतृत्व र व्यक्तित्वसँगसँगै जेसिजले सामाजिक कार्यमा आफुलाई अग्रसर बनाएको छ । यो अत्यन्त राम्रो कार्य हो । आगामी दिनमा पनि यस्ता रचनात्मक कार्यमा हाम्रो आवश्यक सहयोग रहने छ ।’ जेसिजका अध्यक्ष जेसी अर्जुन कार्कीले कैदीबन्दीको उत्साह बढाउन तथा रक्तदान जीवनदान हो भन्ने सन्देश दिन कारागारमै रक्तदान कार्यक्रम गरिएको बताउनुभयो । उहाँले भन्नुभयो ‘ विभिन्न मुद्दामा जेल परे पनि कैदीबन्दीहरु पनि सामाजिक प्राणी नै हुन् । उनीहरुलाई पनि समाजसँग जोड्न सामाजिक कार्य सहभागी गराउनुपर्छ भनेर नै बैन्दीलाई रक्तदान कार्यक्रममा सहभागी गराएका हौं ।’ यस्ता कार्यक्रमले भित्र रहेका मानिस र बाहिर रहेकाहरुबिचको दुरीलाई घटाउन सहयोग पुग्ने अध्यक्ष कार्कीले विश्वास व्यक्त गर्नुभयो । कारागारका जेलर भगवानभक्त अर्यालले सुरुमा बन्दीहरु लजाए पनि पछि रुस्वतस्फूर्त रुपमा रक्तदान गर्न तयार भएको बताउनुभयो ।
कार्यक्रममा युनाईटेड मिसन अस्पतालका निर्देशक डा. रचेल कारख, जेसिज पाल्पाका वर्ष २०२४ का सल्लाहकार संयोजक सुवर्णमुनी शाक्य लगायतले बन्दीहरुले रक्तदान गरेर प्रशंसनिय कार्य गरेको बताउनुभयो ।
जेसिजले पाल्पा कारागार, नेपाल रेडक्रस सोसाइटीको सह आयोजना, कामना सेवा विकास बैंक, बागेश्वरी असल शासन क्लव (बास) पाल्पाको सहयोग, युनाइटेड मिसन अस्पतालको प्राविधिक सहयोगमा रक्तदान कार्यक्रम गरिएको कार्यक्रम संयोजक जेसी सतिशराज शाक्यले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच