बर्लिन । युरोकप फुटबलमा जर्मनी र स्विट्जरल्याण्डले बराबरी खेलेका छन् । आइतबार राती भएको खेलमा स्विट्जरल्याण्डले अग्रता जोगाउन नसक्दा जर्मनीसँग बराबरीमा चित्त बुझाएको हो । खेलको २८औँ मिनेटमा डान एनडोएले गोल गर्दै स्विट्जरल्याण्डलाई अग्रता दिलाउनुभएको थियो ।
खेलको इन्जुरी समयमा जर्मनीका निकलस फुलक्रगले गोल गर्दै खेल १-१ को बराबरीमा पुर्याउनुभयो । हार नजिक पुगेको जर्मनीले बराबरीसँगै समूह ‘ए’ विजेता बन्न पर्याप्त रहृयो । बराबरीपछि जर्मनीको तीन खेलबाट सात अंक भएको छ । जर्मनीसँगै स्विट्जरल्याण्ड पनि तीन खेलबाट पाँच अंक जोडेर समूह उपविजेता बन्दै अन्तिम १६ मा प्रवेश गरेको छ ।
यस्तै, इन्जुरी समयमा गोल खाँदै स्कटल्याण्ड युरो २०२४ बाट बाहिरिएको छ । सोमबार बिहान भएको खेलमा हंगेरीले स्कटल्याण्डलाई १-० गोलले हराएको हो ।
केभिन क्सोबोथले इन्जुरी समयको सयौँ मिनेटमा निर्णायक गोल गर्नुभयो । बराबरी खेले पनि अर्को चरणमा पुग्ने सम्भावना कायम रहेको अवस्थामा स्कटल्याण्डलाई काउन्टर अट्याकमा हंगेरीले स्तब्ध बनाएको हो । जितपछि हंगेरी समूह ‘ए’ को तेस्रो स्थानमा रहन सफल भयो । योसँगै टोली उत्कृष्ट तेस्रो स्थानको टोलीका रूपमा प्रतियोगिताको नकआउट चरणमा प्रवेश गर्ने सम्भावना कायम रहेको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच