नवलपरासी । पश्चिम नवलपरासीको परासीमा अवैध रुपमा सञ्चालित जेडि म्यानपावर सर्भिस सिल गरिएको छ। अबैध रुपमा म्यानपावर व्यवसाय सञ्चालन गर्ने दुई जना भारतीय नागरिकलाई समेत पश्चिम नवलपरासी प्रहरीले पक्राउ गरेको छ ।
नेपाल सरकारले बैदेशिक रोजगारीमा जान प्रतिबन्ध लगाएको रसिया लगायतका मुलुकमा कामदार पठाउने भन्दै रामग्राम ५ बाईपास चोकमा खोलिएको जेडि मेनपावर सर्भिसेजलाई प्रहरी र श्रम तथा रोजगार कार्यालय बुटवलको टोलीले सिल गरेको हो । एक हप्ता अगाडी भारत मुम्बईका २४ वर्षिय निर्सग रविन्द्र राणे र मुम्बई कोलवा बस्ने ३७ वर्षिय जावेद मसिहले उक्त म्यानपावर संञ्चालनमा ल्याएका थिए ।
बिना दर्ता वैदेशिक रोजगारीमा पढाइरहेको म्यानपावरले रसिया, अष्ट्रेलिया, ईटली लगायतका देशमा कामदार पठाउने भन्दै घर भाडामा लिएर उनिहरुले म्यानपावर व्यवसाय संञ्चालन गर्दै आएका थिए । उनीहरुको साथ बाट प्रहरीले मोबाईल, ल्यापटप, भारतीय आधार कार्ड, चेकबुक, डेभिड कार्ड लगायतका सामाग्री बरामद गरेको प्रहरीले जनाएको छ । हाल उनिहरुले कति जनालाई विदेश पठाए वा पठाउने प्रक्रियामा छ भन्ने बारेमा भने थप अनुसन्धान भईरहेको जिल्ला प्रहरी कार्यालयका सुचना अधिकारी डिएसपी रेशम बोहोराले जानकारी दिनुभयो । उक्त म्यानपावरको मुख्य कार्यालय मुम्बईमा रहेको र यहाँ बाट कामदार त्यहाँ पठाई अवैध रुपमा वैदेशिक रोजगारमा पठाउने प्रयोजनका लागी म्यानपावर खोलेको प्रारम्भिक अनुसन्धान बाट देखिएको प्रहरीले जनाएको छ ।
पछिल्लो समय बिना दर्ता अवैध रुपमा म्यानपावर संञ्चालन गर्ने र एजेन्ड बनाएर मानिसलाई प्रलोभनमा पार्ने काम बढ्दै गएको छ । चालु आर्थिक वर्षमा मात्रै ४ ओटा त्यस्ता म्यानपावरलाई कारवाही गरिएको श्रम तथा रोजगार कार्यालय बुटवलका अधिकृत केशवराज भट्टराईले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच