काठमाडौं । त्रिभुवन विश्वविद्यालय बिबिए कप फुटबल प्रतियोगिताको १६ औँ संस्करण आज (बिहीबार)देखि हुने भएको छ । उद्घाटन खेलमा साबिक विजेता तथा आयोजक शंकरदेव क्याम्पसले केसिएमआइटी कलेजविरुद्ध खेल्नेछ । आयोजक स्वतन्त्र विद्यार्थी युनियन (स्ववियु), शंकरदेव क्याम्पसले पत्रकार सम्मेलन गर्दै प्रतियोगिताबारे जानकारी गराएको हो । चन्द एण्ड ब्रदर्स प्रालिको व्यवस्थापनमा हुने प्रतियोगिता सानो गौचरण खेलमैदानमा हुनेछ ।
प्रतियोगितामा त्रिभुवन विश्वविद्यालयअन्तर्गत व्यापार प्रशासनमा स्नातक गरिरहेका विद्यार्थीले मात्र सहभागिता जनाउन पाउनेछन् । सहभागी २६ टोलीलाई दुई समूहमा विभाजन गरिएको छ । विजेताले एक लाख रुपैयाँ प्राप्त गर्ने आयोजकले जनाएको छ । हरेक खेलका म्यान अफ द म्याचलाई ट्रफी प्रदान गरिनेछ । सर्वोत्कृष्ट खेलाडी र विधागततर्फ उत्कृष्ट हुने खेलाडीले विशेष पुरस्कार पाउनेछन् ।
महेन्द्र बहुमुखी क्याम्पस धरानले आयोजना गरेको १५औँ संस्करणमा शंकरदेवले फाइनलमा काठमाडौंकै एनसिसीलाई टाइब्रेकरमा पराजित गर्दै उपाधि जितेको थियो । उपाधि जितेकाले शंकरदेवले आयोजना जिम्मेवारी पाएको हो ।
शंकरदेव स्ववियु सभापति सुशान्त बस्नेत, क्याम्पस विद्यार्थी कल्याणकारी कोषका अध्यक्ष जोगिन्दर गोइत, एन्फाका सदस्य रवीन्द्र चन्दले मन्तव्य राखेका थिए ।
प्रतियोगिता सुरु १८ वर्षअगाडि शंकरदेव क्याम्पसकै पहलमा सुरु भएको हो । त्रिभुवन विश्वविद्यालयले प्रतियोगितालाई प्राविधिक सहयोग गर्दै आएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच