काठमाडौं । चलचित्र ‘बम बहादुर’ आगामी कात्तिक ३० गतेदेखि सिनेमाघरमा आउने भएको छ । सौगात मल्लको प्रमुख अभिनय रहेको चलचित्रको निर्माण टोलीले सिनेमाघरमा आउने मितिसहितको पोष्टर सार्वजनिक गरेको हो । पोष्टरको पृष्ठभूमिमा अभिनेता मल्ललाई लडाकुको पोशाकमा देखाइएको छ ।
चलचित्रका निर्देशक जोन राईले यस चलचित्रमा सस्पेन्स, थ्रिलर, रोमान्स र सोसल ड्रामाको सम्मिश्रण रहेको बताउनुभयो । उहाँले यस चलचित्रले बमबहादुर नामक पात्रको जीवनमा चार दशक पहिले भएका घटनाहरूको छायाले कसरी वर्तमानमा उनको जीवनलाई प्रभावित बनाएको कथा प्रस्तुत गर्ने जनाउनुभयो ।
विष्ट ब्रदर्स फिल्मस् प्रा.लि.को निर्माणमा बनेको यस चलचित्रको प्रमुख भूमिकामा सौगातको साथमा प्रशान्त राई, अनिशा रसाइली, भास्कर प्रधान, महेन्द्र बग्दास, मदन भुजेल, भरत वशिष्ठ, रिया भुजेल, शान्तिला तामाङ, बालकलाकार वाशित कार्की, सुरेश पाँचकोटीलगायतको अभिनय छ ।
सञ्जीव सार्की निर्माता रहेको चलचित्रमा जोन राई र रूपेश तामाङको कथा र पटकथा, सुजोय कुमार घोष ‘मुन्ना’को छायांकन र ज्ञान गुरुङको सम्पादन छ । दीपंकर सिंह मुखियाको गीतसंगीत रहेको चलचित्रमा इजाज अलीको ब्याकग्राउण्ड स्कोर छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच