काठमाडौं । नेपाल प्रहरी अस्पतालमा स्नातकोत्तर (पिजी) अध्ययन गर्ने चिकित्सक तथा नर्सको कोटा थपिएको छ । चिकित्सा अध्ययन प्रतिष्ठान न्याम्स र नेपाल प्रहरी अस्पतालबीच सोसम्बन्धमा सम्झौता भएको हो । हाल एक सय २७ जनाले चिकित्सक तथा नर्सिङमा पिजी अध्ययन गर्दै आइरहेकामा आवश्यक फ्याकल्टी थप गर्न दुर्ई पक्षबीच सम्झौता भएपछि अब सो संख्या दुर्ई सय ५० पुग्ने भएको छ ।
सहकुलपति स्वास्थ्य तथा जनसंख्यामन्त्री प्रदीप पौडेलको अध्यक्षताको न्याम्स कार्यकारी बैठकले हालै यस्तो निर्णय गरेको थियो । मन्त्री पौडेलले दक्ष चिकित्सा जनशक्ति उत्पादन वृद्धि गर्न स्नातकोत्तर कोटा बढ्ने गरी फ्याकल्टी थप गर्न भनेपछि न्याम्सले थप गर्ने निर्णय गरेको थियो । सम्झौताअनुसार न्याम्सले नेपाल प्रहरी अस्पतालमा फ्याकल्टी थपको अनुमति दिएको छ ।
प्रहरी अस्पतालले भने रेजिडेन्टलाई चिकित्सा विद्यार्थीलाई सरकारी नियमानुसार भत्ता उपलब्ध गराउने सम्झौता गरेको छ । सम्झौतामा नेपाल प्रहरी अस्पतालतर्फबाट मेडिकल निर्देशक एआइजी डा. सुन्दरप्रसाद हृयोजु तथा न्याम्सतर्फबाट रेक्टर प्रा.डा. लोचन कार्कीले हस्ताक्षर गर्नुुभएको थियो ।
उक्त कार्यक्रममा स्वास्थ्य तथा जनसंख्यामन्त्री प्रदीप पौडेलले देशमै दक्ष चिकित्सकको अभाव पूर्ति गर्न विद्यार्थी कोटा थप गर्ने गरी निर्णय भएकामा हालसम्म चार सय पिजी विद्यार्थी थप अध्ययन गर्ने वातावरण बनेको बताउनुभयो । कार्यक्रममा प्रहरी महानिरीक्षक वसन्तबहादुर कुँवर तथा न्याम्सका उपकुलपति प्रा.डा. भूपेन्द्र बस्नेतलगायतको उपस्थिति थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच