काठमाडौं । नेपाली काँग्रेसका सांसद डा. चन्द्रकान्त भण्डारीले संघीय संसदमा सांसदहरुको संख्या बढी भएको टिप्पणी गर्नुभएको छ ।
निर्वाचित र समानुपातिक गरेर सांसदहरुको संख्या बढी भएकाले बजेट विनियोजनामा पनि समस्या देखिएको उहाँको निष्कर्ष थियो ।
मंगलवार संघीय संसद भवन परिसरमा सञ्चारकर्मीहरुले राखेका जिज्ञासाको जवाफ दिने क्रममा सांसद भण्डारीले सांसदहरुलाई अध्ययन र अनुसन्धानमा कमी हुँदा पनि बजेटलगायतका विषयमा समस्या देखिने गरेको बताउनु भयो । उहाँले सरकारले ल्याएको बजेट कार्यान्वयनमा जोड दिनुपर्ने पनि बताउनु भयो ।
सांसद भण्डारीले भन्नुभयो, ‘बजेटलाई कार्यान्वयनतर्फ जोड दिने हो भने सबै बजेटहरु यस्तै हुन । र यो घाटा बजेट पनि हो । यसको आधारमा नैरश्यता भएको होइन । तर कुरा के हो भन्नु हुन्छ भने–प्रत्येक माननीयज्युहरुलाई मेरो जिल्लामा के प¥यो भन्ने हुन्छ नि । त्यसको कितावहरु आएको छैन मन्त्रालयहरुबाट । त्यसको आधारमा फेरि बजेटको एक्टिभिटी बढ्छ । सरकारले ल्याउनका निम्ति ढिलो ग¥यो । दोस्रो यो हो । तेस्रो के हो भने मैले हिजो सदनमा पनि बोलेको छु । यो संख्या नै बढी भयो । सुविधा पनि छैन, अध्ययन पनि छैन । सख्या बढि भयो । संख्या कसरी बढि भयो भने एकातिर इलेक्सनबाट लडेको छ । अर्कातिर समानुपातिकबाट आएको छ । एकातिरकालाई जनतासँग कसरी जाने भन्ने छ ? के लिएर जाने भन्ने छ ? र, संख्या बढि भएको कारणले पनि यो समस्या आएको हो । चौथो कुरा कोही गम्भिर छैन । एउटा मन्त्रीले नीति, कार्यक्रम ल्याउँछ । त्यही नीति, कार्यक्रम अर्को मन्त्रीले पढछ । कतिबेला सरकार जाने, कतिबेला मन्त्री जाने ? त्यो पनि छैन । त्यसैले यी समस्या देखिएको हो ।’
सांसद भण्डारीले स्थिर सरकार नहुँदा मुलुकमा धेरै समस्या देखिएको पनि उल्लेख गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच