![चोरी गर्ने र चोरीका सामान किन्ने गरी ६ जना पक्राउ](https://ehimalayatimes.com/wp-content/uploads/2024/07/chori.jpg)
काठमाडौं । नेकपा (एकीकृत समाजवादी) का अध्यक्ष एवं पूर्वप्रधानमन्त्री माधवकुमार नेपाल पार्टी महाधिवेशनमा भेला, छलफल हुनुलाई अन्यथा लिन नहुने बताउनुभएको छ ।
अध्यक्ष नेपालले पार्टीको दशौं राष्ट्रिय महाधिवेशनमा नेता, कार्यकर्ताहरुबीच भेटघाट हुने, छलफल हुने कुरालाई स्वभाविक रुपमा लिनुपर्ने बताउनुभएको हो । पार्टीको दशौं राष्ट्रिय महाधिवेशनको सन्दर्भ पारेर शनिवार काठमाडौंमा आयोजित पत्रकार सम्मेलनमा बोल्दै उहाँले पार्टीका सबै नेता, कार्यकर्ताले महाधिवेशनलाई एकतावद्ध भएर सम्पन्न गर्ने संकल्प लिएको समेत बताउनु भयो । उहाँले महाधिवेशनमा गुटबन्दी नहोस् भन्ने नेता, कार्यकर्ताको चाहना प्रशंसनीय रहेको बताउनु भयो । उहाँले विगतमा गुटले कम्युनिष्ट पार्टीको ठूलो नोक्शान पु¥याएको र अहिलेको महाधिवेशनमा नेताहरु एकतावद्ध भएर अघि बढुन् भन्ने नेता, कार्यकर्ताहरुको चाहना प्रशंसनीय रहेको पनि बताउनु भयो ।
उहाँले भन्नुभयो, ‘पद भएन भने त कुनै संगठन नै रहँदैन । तपाईको पत्रकार संगठन छैन पदहरु ? कम्युनिष्ट पार्टीमा पद चाहिँदैन ? त्यसो हुनाले पदको व्यवस्थापन स्वभाविक रुपमा हुन्छ । सानो पार्टी हुन्छ, थोरै पदले काम चल्छ । पार्टी ठूलो हुँदै जान्छ, धेरै पदको आवश्यकता पर्छ । यसरी बुझे पनि भयो । त्यसो हुनाले पदको विषयलाई अन्य हिसावले लिन जरुरी छैन । तपाईले दोस्रो सोध्नु भयो, कहाँ कहाँ भेला भईरहेको छ । अनि भेला नभएर के गर्छन् त ? घरमा नै लुकेर बस्छन् त कोही ? बस्छन्, कुराकानीहरु हुन्छन । छलफल हुन्छ । कोही रेष्टुरामा जान्छन, कोही होटलमा जान्छन । छलफल गर्दछन । चिया खान्छन । भेटघाट हुन्छ । यत्रा कार्यकर्ता छन् हामी कहाँ । देशभरीका कार्यकर्ता आउँदा त झन ज्यादा होटलका होटलहरु पनि भरिएका होला । त्यो होटलमा किन गए भन्नु त भएन तपाईहरुको भनाईको अर्थ के हो भने गुटबन्दी नहोस् । नेताहरु मिलेर अघि बढून । गुटले धेरै ठूलो क्षति पु¥याएको छ । विगतमा पनि गुटले गर्दाखेरी कम्युनिष्ट आन्दोलनले ठूलो धक्का खानु परेको छ । त्यो नहोस भन्ने तपाईहरुको सद्भाव, तपाईहरुको सद्भावना, चाहना अवश्य पनि प्रशंशनीय छ । त्यसकारण तपाईहरुलाई धन्यवाद पनि छ । हामी महाधिवेशनलाई एकतावद्ध भएर सम्पन्न गर्ने संकल्प गरेका छौं । नेता, कार्यकर्ताहरु त्यही दिशामा अघि बढिरहनुभएको छ । तयारीको काम लगभग अन्तिम, अन्तिम चरणमा पुगेको छ । कम खर्चमा यो समारोहालाई भव्यताका साथ सम्पन्न गर्ने योजनामा छौं ।’
अध्यक्ष नेपालले पार्टीको महाधिवेशनमा कुराकानी छलफल हुने भएकाले भेटघाट हुनु, छलफल हुनु स्वभाविकै हो । उहाँले गुटबन्दी पार्टीमा नहोस् भन्ने कुरामा आफूहरु सचेत रहेको बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच