झापा । कार र मोटरसाइकल आपसमा ठोकिँदा झापामा एकजनाको मृत्यु भएको छ । दुर्घटनामा झापा मेचीनगर नगरपालिका-७ का २५ वर्षीय राजमान विक मृत्यु भएको हो । मृत्यु हुने विक बा.६० प २५३७ नम्बरको मोटरसाइकलका चालक हुन् ।
बिहीबार राति साढे ११ बजेतिर बिएए ८६८७ नम्बरको कार आपसमा ठोकिएका थिए। काँकडभिट्टाबाट इँटाभट्टा जाँदै गरेको मोटरसाइकल सडक किनारमा रोकेर पछाडि सर्दै गरेको कारसँग पूर्वपश्चिम राजमार्गको टोकला चिया बगान क्षेत्रमा ठोकिएको थियो । बिएण्डसी अस्पताल बिर्तामोडमा उपचार भइरहेका विकको गएराति साढे ९ बजेतिर मृत्यु भएको झापा प्रहरीले जनाएको छ ।
दुर्घटनामा परेको कार, कार चालक रामेछाप खाँडादेवी गाउँपालिका-४ बस्ने ३४ वर्षीय दिनेश कँडेल र मोटरसाइकल इलाका प्रहरी कार्यालय काँकरभिट्टाको नियन्त्रणमा लिएको छ ।
बिहीबार राति साढे ९ बजेतिर हुलाकी सडकको गौरीगञ्ज गाउँपालिका-३ ठेकिटोलामा मोटरसाइकल दुर्घटना हुँदा सोही गाउँपालिकाका ३० वर्षीय रोशन मगरको मृत्यु भएको थियो ।
अनियन्त्रित भएर दुर्घटनामा परेको मे.८ प ८८९५ नम्बरको मोटरसाइकल पछाडि बसेका गौरीगञ्ज-२ का ३२ वर्षीय श्याम राजवंशी घाइते भएका छन् । घाइते राजवंशीको लाइफ लाइन अस्पताल दमकमा उपचार भइरहेको प्रहरीले जनाएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच