भोजपुरमा फोटो सहितको मतदाता नामावली संकलन सुरु

हिमालय टाइम्स

Thursday June 16, 2022

Read Time = 2 mins

प्रदेश समाचार

A A- A+

-निरोज कोइराला

भोजपुर । जिल्ला निर्वाचन कार्यालय भोजपुरले फोटो सहितको मतदाता नामावली संकलन तथा अद्यावधीक कार्य सुचारु गरेको छ । गत २०७८ पुस २५ गतेबाट स्थगित गरिएको मतदाता नामावली संकलन तथा अद्यावधीक कार्य निर्वाचन आयोगको कार्यक्रम अनुसार पुन सुचारु भएको हो ।

जिल्ला निर्वाचन अधिकारी टोपलाल भुसालका अनुसार जिल्ला प्रशासन कार्यालय, जिल्ला निर्वाचन कार्यालय र षडानन्द नगरपालिकाको केन्द्र दिंलामा रहेको इलाका प्रशासन कार्यालयबाट नयाँ मतदाता नामावली संकलन तथा अद्यावधीक गर्ने कार्य हुने छ ।

‘पेशा ब्यवसायका कारण कुनै एक जिल्लामा बसोवास गरि रहेको तर स्थायी ठेगाना अन्य जिल्लामा रहेको भए पनि निर्वाचन कार्यालयबाट नामावली संकलन गर्न सकिने छ ।’ जिल्ला निर्वाचन अधिकारी भुसालले भन्नुभयो, २०७३ माघ २० भन्दा अगाडी दर्ता भई नागरिकतामा उल्लेखित ठेगाना भन्दा फरक ठेगानामा मतदाता नामावलीमा नाम भएका ब्यत्तिहरूले समेत नागरिकताका आधारमा विवरण सच्याउन पाउने छन ।

मतदाता नामावलीमा झुटो विवरण पेश गरेमा पाईएमा निजको नाम हटाउन समेत कुनै पनि ब्यक्तिले प्रमाण सहित जिल्ला निर्वाचन कार्यालयमा उजुरीसमेत दिन सक्ने छन ।

यो खबर पढेर तपाईलाई कस्तो महसुस भयो ?