ढाका । बंगलादेशको पद्मा नदीमाथि ६.१५ किलोमिटर लामो पुल निर्माण भएको छ । यो बंगलादेशकै लामो पुल हो । पुलको प्रधानमन्त्री शेख हसिनाले शनिबार पुलको उद्घाटन गर्नुभएको हो ।
यो पुलले राजधानी ढाकालाई बंगलादेशको दक्षिण-पश्चिम क्षेत्रसँग जोड्ने छ । ३.८६ अर्ब अमेरिकी डलर खर्चेर बनाइएको पुलमा माथि गाडी गुड्ने चार लेनको बाटो छ भने मूनि रेलवेको सिंगल ट्रयाक छ । धेरै समयको विवाद र भ्रष्टाचारका आरोपहरू लागेपछि यो पुल निर्माणमा संलग्न दातृ संस्थाहरू बाहिरिएका थिए । पछि बंगलादेश सरकारले पुल आफ्नै लगानीमा बनाउने निर्णय गरेको थियो । पुल बनाउने ठेक्का चिनियाँ कम्पनीले पाएको थियो ।
शनिबार पुलको उद्घाटन गर्दै प्रधानमन्त्री हसिनाले पद्मा पुल बंगलादेशको गौरवको प्रतीक भएको बताउनुभयो । उहाँले केही मानिसले यति ठूलो पुल बंगलादेशले बनाउन सक्दैन भनेर व्यक्त गरेको शंकालाई पनि पुल निर्माणले जवाफ दिएको जिकिर गर्नुभयो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच