कृषि पशुपालन गरेका दैलेखका ४३ किसान पुरस्कृत

हिमालय टाइम्स

Saturday July 2, 2022

Read Time = 4 mins

कृषि

A A- A+

दैलेख । व्यवसायिक रुपमा कृषि पशुपालन गरेको भन्दै दैलेखका ४३ उत्कृष्ट किसान पुरस्कृत भएका छन् । व्यवसायिक रुपमा कृषि तथा पशुपालन पेसा अँगाल्दै आएका ४२ जना किसान र एउटा सहकारी पुरस्कृत भएका हुन् । पशु अस्पताल तथा पशु सेवा कार्यालय दैलेखले उत्कृष्ट किसानहरुलाई प्रोत्साहन तथा सम्मान गरेको हो । कार्यालयको वार्षिक कार्यक्रम अन्तरगर्त भैरबी गाउँलिका–७ को उज्यालो साना किसान सहकारी संस्था २० हजार रुपैयाँ नगद पुरस्कारसहित मुख्यमन्त्री उत्कृष्ट पुरस्कारबाट सम्मानित भएको छ ।

यस्तै किसान प्रोत्साहनतर्फ ३१ जना किसान नगद पुरस्कार सहित सम्मानित भएका छन् । सम्मानित हुने किसानहरुमा राना कृषि तथा पशुपंक्षी फर्मका रोहितकुमार राना, प्रेमबहादुर खड्का, जनकबहादुर कटुवाल, नवराज जैसी, माधवप्रसाद जैसी, सिता अधिकारी, जयबहादुर थापा, लोकबहादुर बोगटी, पृथ्विबहादुर बस्नेत, हरिबहादुर बस्नेत, तिर्थराज बस्नेत, टोपबहादुर बागटी हुुनहुन्छ। यस्तै गगनबहादुर बस्नेत, तिलबहादुर बस्नेत, विष्णुबहादुर बस्नेत, गगनबहादुर आले, कृष्णबहादुर आरसी, विनोद रोकाय, रतनबहादुर शाही, सम्झना बुढा, दिपक केसी किसान प्रोत्साहनतर्फ नगदसहित सम्मानित हुनुभएको छ ।

प्रोत्साहनतर्फ भैसी पालन समेत गरिरहेको दुल्लु नगरपालिका–२ को नरेश्वर उद्यमशिल आधारभुत विद्यालय समेत ३० हजार रुपैयाँ सहित सम्मानित भएको छ । त्यसैगरी ठाटीकाँध गाउँपालिका–६ को न्यू देउती कृषि तथा पशुपंक्षी फर्म सञ्चालक नेमबहादुर विस्ट, आठबीस नगरपालिका–३ को जैसी कृषि तथा पशुपंक्षी फर्म, भैरबी गाउँपालिका–७ को आचार्य कृषि तथा पशुपंक्षी पालन फर्म, झरना कृषि तथा पशुपंक्षी पालन फर्म समेत प्रोत्साहन कार्यक्रम अन्तरगर्त नगदसहित सम्मानित भएका छन् । प्रोत्साहन कार्यक्रमबाटै किसानहरु रमा लामिछाने, नन्दा थापा, झलक प्रसाद पौड्याल, शान्ता शाही र र लछुमन बुढा समेत सम्मानित हुनुभएको छ ।

मुख्यमन्त्री उत्कृष्ट कृषक पुरस्कारअन्तर्गत कर्णबहादुर शाही, टेकबहादुर थापा, पदमबहादुर बुढा, रुद्धप्रसाद सुवेदी, भवानीप्रसाद भट्टराई, रमादेवी शाही, नैनबहादुर रोकाय, कृष्णलाल जैसी, दिपक विसी, किशोरकुमार थापा र शेरबहादुर सिजापति नगदसहित पुरस्कृत हुुनुभएको छ ।

पशु सेवा कार्यालयले शुक्रवार उत्कृष्ट कृषक प्रोत्साहन तथा सम्मान कार्यक्रम आयोजना गरि किसानहरुलाई पुरस्कारसहित सम्मान गरेको हो । उक्त कार्यक्रममा प्रतिनीधि सभाका सांसद रविन्द्रराज शर्माले कृषि व्यवसायलाई व्यवसायीकरण गर्नका लागि संघ, प्रदेश र स्थानीय तहले नविनतम् कार्यहरु अघि सारेको बताउनुभयो। उहाँले अब कृषि तथा पशुपालन व्यवसायलाई सामुहिकीरण गर्नुपर्नेमा जोड दिनुभयो ।

यो खबर पढेर तपाईलाई कस्तो महसुस भयो ?