पोखरा । अर्को साताबाट सुरु हुने २२औँ आहा रारा पोखरा गोल्डकप फुटबल प्रतियोगितामा १० टोलीको टुंगो लागेको छ । पोखरा रंगशालामा पुस १४ देखि २३ गतेसम्म हुने प्रतियोगिताको पुरस्कार राशिमा समेत वृद्धि गरिएको आयोजक सहारा क्लब पोखराले जनाएको छ ।
प्रतियोगिता पुस १४ देखि २५ गते सञ्चालन हुनेछ । क्लबका महासचिव रामजीप्रसाद अधिकारीका अनुसार प्रतियोगितामा साबिक विजेता नेपाल एपिएफ क्लब, साबिक उपविजेता मनाङ मस्र्याङ्दी क्लबसहित त्रिभुवन आर्मी फुटबल क्लब, चर्च ब्वाइज युनाइटेड फुटबल क्लब, अमेरिकाको बिवाइएसस्सी, मच्छिन्द्र क्लब, नेपाल प्रहरी फुटबल क्लब, संकटा क्लब, धरान फुटबल क्लब र आयोजक सहारा क्लब पोखराले सहभागिता जनाउनेछन् ।
यसपटक विजेताले १२ र उपविजेताले ६ लाख रुपैयाँ प्राप्त गर्नेछन् । प्रथम पुरस्कारमा दुई र दोस्रोमा एक लाख वृद्धि गरिएको हो । २०५८ सालमा क्याराभान गोल्डकपलाई गणना गर्दै २२औँ संस्करणबाट आहा रारा पोखरा गोल्डकप नामकरणमा प्रतियोगिता सञ्चालन हुन लागेको हो । बचत रकम क्लबबाट सञ्चालित सूर्यबहादुर केसी स्मृति सहारा फुटबल एकेडेमीमा खर्च गरिनेछ । हाल तेस्रो ब्याचको एकेडेमीमा १३ जना बालक आश्रित रहेको सहारा क्लब पोखरा अध्यक्ष हरिराम गुरुङ (सुरज) ले बताउनुभयो ।
प्रतियोगिताबाट एक करोड ५९ लाख ५० हजार रुपैयाँ आम्दानी र एक करोड १३ लाख ५६ हजार रुपैयाँ खर्च हुने अनुमान गरिएको छ । उत्कृष्ट पाँच विधाको पुरस्कार सूर्यबहादुर केसी स्मृतिमा प्रदान गरिने जनाइएको छ । सहप्रायोजक मुल्बेरी इन्स्टिच्युट अफ हस्पिटालिटी र चरक मेमोरियल हस्पिटल प्रालि नागढुंगा, एजुकेसन पार्टनर हिमाश कन्सल्टेन्सी, अफिसियल बैंक लुम्बिनी विकास बैंक, अनलाइन टिकेटिङ पार्टनर माइपे, अफिसियल स्पोट्र्स वयर एक्स टेप, एयरसन इन्टरन्यासनल प्रालि इन्टरनेट पार्टनर, पब्लिक फोरके टेलिभिजन प्रत्यक्ष प्रसारण, अफिसियल एयर लाइन्स बुद्ध एयर छन् ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच