सुर्खेत । नेकपा एमाले कर्णाली प्रदेश संसदीय दलका नेता यामलाल कँडेलले फोटो टाँस्न र समय बिताउनमात्रै खोजिएको हो भने अन्यथा कर्णाली विकास हुन नसक्ने बताउनु भएको छ ।
मुख्यमन्त्री राजकुमार शर्मालाई विश्वासको मत दिने सैद्धान्तिक छलफलमा बोल्दै नेता कँडेलले मुख्यमन्त्रीको फोटो टाँस्न र समय बिताउन मात्रै सहज भए पनि विकास गर्न कठिनाइ हुने बताउनु भयो ।
मुख्यमन्त्री शर्माले विश्वासको मत माग्दा सुनाएका योजनाबारे प्रतिक्रिया दिँदै नेता कँडेलले भन्नुभयो, ‘पढेजस्तै हो भने सबै कुरा देखिए । यी मनचिन्ते झोलाले विकास गर्न सकिँदैन ।’
प्राथमिकता प्रदेश तहको हो वा वडा तहको संरचना हो हेक्का राख्नुपर्ने अवस्था रहेको बताउनु भयो । ‘यही वा त्यही भन्दिनँ । राजधानी पहिलो पटक तोक्यौं । तोक्नका लागि मात्र तोकिएको होइन । हिजोको संरचना बनेका कारणले गर्दा साइन बोर्ड राख्ने ठाउँ सुर्खेतमा थियो । तर, प्राथमिकता प्रदेश संरचनाअनुसार निर्माण नभएको हिजो तपसिलको विषय बन्यो अब तपाईं के गर्नु हुन्छ ? ’ उहाँले भन्नुभयो, ‘दानदातव्यबाट कर्णाली बनाउने कुरा गर्यौं भने हामी भिखारी बन्नुबाहेक अरु हुँदैन ।’ उनले कर्णाली बनाउने अभिभारा हो भने समय बिताउने कुरा नगर्न उहाँले आग्रह गर्नुभयो ।
प्रदेशसभाको अघिल्लो कार्यकाल कर्णाली बनाउने कुरामा होइन आफू बन्ने कुरामै ध्यान केन्द्रीत भएको बताउनु भयो। ‘अघिल्लो पटक हुने काम गर्यौं । नहुने काम पनि गर्यौं,’ कँडेलले भन्नुभयो, ‘कतिपयले किन थाहा नपाएको होला भनेर जिज्ञासा राख्ने गरेका छन् । तर, आफुले थाहा पाएर नगरेका कारण अरुले पद प्राप्त गरेकाहरुको हालत देखेको छु ।’
उहाँले योजना छनोटको विधि र तरिका बारे प्रश्न गर्नुभयो । ‘निश्चित मान्छेलाई पालन पोषण गर्नेगरि कृषि मन्त्रालयबाट हाइटेक नर्सरी सेटिङमा बनाउने काम भए । त्यसकारण अब योजना छनोट गर्ने तरिका र विधि के हो ? उहाँले प्रश्न गर्दै भन्नुभयो ।
कर्णालीमा पर्याप्त स्रोतसाधन चाहिने जति भएको बताउनु भयो । उहाँले यहाँको खर्च गर्ने स्रोत बढाउनुपर्ने बारे छलफल चलाउनुपर्ने धारणा व्यक्त गनुभयो। पुँजीगत खर्च बढाउने कुरा कर्णालीका लागि चुनौतीको विषय भएको उहाँले बताउनु भयो।
-हेमन्त केसी
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच