वनमा लागेको डढेलोले दुई वटा घर र चौपाया जले

चिसाङ शेर्पा खोटाङ, संवाददाता

Thursday February 16, 2023

Read Time = 2 mins

डिजिटल संस्करण

प्रदेश समाचार

A A- A+

खोटाङ । खोटाङमा वनमा लागेको डढेलोले एकै व्यक्तिको दुई घर जल्दा दश लाख बराबरको क्षति भएको छ । हलेसी तुवाचुङ नगरपालिका–५ दुर्छिम डाँडाखर्कका बकसे बस्नेतको दुईवटा घर र एकवटा गुवाली जल्दा १० लाख बराबरको क्षति भएको हो ।

बुधबार दिउँसो साढे दुई बजे दुर्छिमको आमकासुकसे सामुदायिक बनमा लागेको आगो अचानक हावाले उडाई ल्याउँदा बस्नेतको ढुंगा र माटोले बनेको फुसको छानो भएको दुई तल्लाको दुई वटा घर र काठले बनेको गाईबस्तु राख्ने एकवटा गुवाली पूर्णरुपमा जलेर नष्ट भएको प्रहरीले जनाएको छ ।

आगोले दुईवटा घरमा भएको लत्ताकपडा, भाडावर्तन, अन्नपात, नगद १ लाख, सुन ४ तोला, चाँदी २ तोला र गुवालीमा रहेको गाईको बाछी १ वटा तथा १ वटा बाख्रा पूर्णरुपमा जलेको छ ।

आगोलाई स्थानीय र प्रहरीले साँझ ६ बजेर ४० मिनेटमा नियन्त्रणमा लिएको थियो । आगलागीबाट मानवीय क्षति नभएको जिल्ला प्रहरी कार्यालय खोटाङका प्रमुख प्रहरी नायब उपरीक्षक मञ्जिल मुकारुङले बताउनु भयो ।

यो खबर पढेर तपाईलाई कस्तो महसुस भयो ?