गुल्मी । गुल्मीको रेसुङ्गा नगरपालिकाद्वारा आयोजित चौथो राष्ट्रपति रनिङ्ग शिल्ड प्रतियोगितामा सदरमुकाम तम्घासको सिद्धबाबा माध्यमिक विद्यालय प्रथम भएको छ । दश स्वर्ण, सात रजत र पाँच कास्य गरि २२ पदक प्राप्त गर्दै सो विद्यालय प्रथम भएको राष्ट्रपति रनिङ्ग शिल्ड प्रतियोगिता व्यवस्थापन तथा निर्देशन समितिका सदस्य सुनिल बस्नेतले जानकारी दिनुभयो ।
उहाँकाअनुसार रेसुङ्गा नगरपालिका भित्रका संस्थागत र सामुदायिक गरि १५ विद्यालयले प्रतियोगितामा भाग लिएका थिए । सदमुकाम तम्घासको खेलमैदान चिदिचौरमा राष्ट्रिय प्रजातन्त्र दिवसको अवसर पारेर फागुन ६ गते शनिबारदेखि विभिन्न प्रतियोगितात्मक खेलहरु सञ्चालन गरिएको थियो ।
१४ पदक प्राप्त गर्दै सदरमुकाम तम्घासकै महेन्द्र माध्यमिक विद्यालय दोस्रो भएको छ । यस विद्यालयले छ स्वर्ण, पाँच रजत र सात कास्य पदक प्राप्त गरेको छ । त्यस्तै, यहाँकै रेसुङ्गा माध्यमिक विद्यालयले १४ पदक प्राप्त गर्दै तेस्रो भएको छ । जसले छ स्वर्ण, तीन रजत र पाँच कास्य पदक प्राप्त गरेको छ ।
प्रतियोगितमा प्रथम, द्वितीय र तृतीय हुने विद्यालयलाई रेसुङ्गा नगरपालिकाका उप-प्रमुख अमृतादेवी कुँवर, प्रमुख प्रशासकीय अधिकृत हरिप्रसाद अर्याल, सामाजिक विकास समिति संयोजक लिलाधर आचार्य, शिक्षा शाखा प्रमुख विष्णुप्रसाद ज्ञवालीलगायतले शिल्ड, प्रमाणपत्र र नगद पुरस्कार प्रदान गर्नुभयो । प्रथम, द्वितीय र तृतीय हुने विद्यालयलाई क्रमशः १५, १० र ५ हजार रुपैयाँ नगद प्रदान गरिएको हो ।
त्यस्तै, प्रत्येक विधाका खेलमा प्रथम, द्वितीय र तृतीय हुने विद्यार्थी खेलाडीलाई मेडल र प्रमाण पत्र प्रदान गरिएको थियो । प्रतियोगितालाई व्यवस्थित गर्नका लागि गणेश अधिकारीको संयोजकत्वमा आठ सदस्यीय राष्ट्रपति रनिङ्ग शिल्ड प्रतियोगिता व्यवस्थापन तथा निर्देशन समिति समेत गठन गरिएको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच