दमक । धिमाल जातिको मौलिक खाना संस्कतिको प्रचारप्रसार र प्रवद्र्धनका लागि मोरङ बेलबारीमा तेस्रो चिचिरी, गेन्द्रो दिवस तथा धिमाल संस्कृति प्रदर्शनी हुने भएको छ । ‘संस्कृति, मौलिकता र स्वस्थ खाना’ भन्ने नाराका साथ फागुन १३ गते शनिबार तेस्रो चिचिरी, गेन्द्रो दिवस तथा धिमाल संस्कृति प्रदर्शनी आयोजना गर्न लागिएको हो ।
धिमाल जातीय विकास केन्द्र, केन्द्रीय समितिको आयोजनामा बेलबारी ३ स्थित ड्रिमल्याण्ड फन पार्कमा हुने कार्यक्रमको लागि करिब पाँच लाख रुपैयाँ खर्च हुने आयोजकले जनाएको छ । प्रदर्शनीमा दुई हजारभन्दा बढी दर्शकको सहभागिता रहने आयोजकले अनुमान गरेको छ । प्रदर्शनीअन्तर्गत धिमाल परिकार स्टलमा धिमाल जातिको मौलिक खानाहरू चिचिरी, गेन्द्रो, तोले, चुदुर(घुंगी), पायाको बिहा (सुंगुरको मासु), गोरा (रक्सि), हाया (माछा)लगायत परिकार उपलब्ध हुने आयोजकले जनाएको छ ।
सो अवसरमा धिमाल कलाकारबाट सांस्कृतिक तथा सांगीतिक कार्यक्रमसमेत हुनेछ्न् । प्रस्तुति दिनका गायिका मेचु धिमाल, गायकहरू डिकबहादुर धिमाल, सञ्जीव धिमाल, सुरेश धिमाल, राजेश धिमाल, हास्य कलाकार विक्रम धिमाल र नृत्यकार सरस्वती धिमाल लगायतले प्रस्तुति दिनेछन् । प्रदर्शनीमा गरगहना, पुस्तक, तानबुन्ने, धिमाल समुदायले उत्पादन गर्ने पेटानीलगायत सामग्री तथा बाध्यवादनसमेत प्रदर्शनी हुनेछ । यसअघि पहिलो र दोस्रो प्रदर्शनी दमक र उर्लाबारीमा भएका थिए ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच