हाइनान । मंगलबारदेखि प्रारम्भ भएको ‘बोआओ फोरम फर एसिया’मा ५० भन्दा बढी देश र क्षेत्रका दुई हजार प्रतिनिधिले भाग लिएका छन् । हाइनान प्रान्तको यो तटीय सहरमा आयोजित फोरमको वार्षिक सम्मेलनमा ४० देश र क्षेत्रका १७० भन्दा बढी सञ्चारगृहका एक हजार एक सयभन्दा बढी पत्रकार सहभागी भएका फोरमका महासचिव ली बाओडोङले जानकारी गराउनुभएको छ ।
कोरोना भाइरस (कोभिड-१९)को महामारीपछि भौतिक रूपमा सहभागी फोरममा पहिलोपटक उपस्थित भएका हुन् । अनिश्चित विश्व र चुनौतीबीच विकासका लागि एकता र सहयोग विषयमा हुने यो बैठकमा विकास, समावेशी, सुरक्षालगायत विषयमा केन्द्रित रहेर छलफल हुनेछ ।
राष्ट्र-राष्ट्रबीच सहयोग र एकता प्रबद्र्धन गर्दै क्षेत्रीय आर्थिक एकीकरण, खुलापन एवं समावेशी विकासलाई केन्द्रमा राखेर यो वर्षको सम्मेलन आयोजना गरिएको महासचिव लीले बताउनुभएको छ । एसियाली मुलुकहरूलाई उनीहरूका विकासका लक्ष्य प्राप्तिमा सघाउन सम्मेलन फलदायी हुने विश्वास उहाँले व्यक्त गर्नुभएको छ । रासस/सिन्हृवा ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच