म्याग्दी । म्याग्दीको अत्यन्त दुर्गम गाउँ गुर्जामा बुधवार सम्पन्न निःशुल्क स्वास्थ्य शिविरबाट तीन सय बढी सर्वसाधारण लाभान्वित भएका छन् ।
जिल्लाको धवलागिरी गाउँपालिका–१ म पर्ने गुर्जामा दक्षिण कोरीयाको मुगुङग्वाको आर्थिक तथा प्राविधिक सहयोगमा आयोजित शिविरमा ३ सय १२ जना लाभान्वित भएका गुर्जाका वडा अध्यक्ष झकबहादुर छन्त्यालले जानकारी दिनुभयो ।
पोखराको फिस्टेल अस्पतालका फिजिसियन डाक्टर शिव भट्टराईको नेतृत्वमा गुर्जा स्वास्थ्य चौकीका स्वास्थ्यकर्मीहरुले सेवा दिएका थिए ।
स्वास्थ्य परिक्षण, परामर्श र निशूल्क औषधी वितरण सम्बन्धी सेवा दिइएको थियो । शिविर सञ्चालनका लागि मुगुङग्वा संस्थाका लिम झुङगको नेतृत्वमा संस्थाका प्रतिनिधि र चिकित्सकको टोली हेलिकप्टर चढेर गुर्जा पुग्नुभएको थियो ।
छिमेकी वडा लुलाङ देखि पुरै दिन जंगल, भिर र खोल्साको बाटो हिडेर पुगिने गुर्जाका बासिन्दाले गाउँमै चिकित्सक मार्फत सेवा पाउँदा राहत महशसु गरेका छन । संस्थाको टोलीले गुर्जा स्वास्थ्य चौकीलाई एक थान अक्सिजन कन्सन्ट्रेटर, एक थान अटो कल्याप, औषधी र बालबालिकाहरुलाई न्यानो कपडा वितरण गरेका छन् ।
म्याग्दीका ६ वटा स्थानीय तहका ४५ मध्य सडक सुविधा नपुगेको एक मात्र वडा गुर्जाका बासिन्दालाई गाउँमै चिकित्सक मार्फत स्वास्थ्य उपचार सेवा उपलब्ध गराउने उद्देश्यले शिविर आयोजना गरिएको जनाइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच