धादिङ । धादिङको नीलकण्ठ नगरपालिकाद्वारा सार्वजनिक जग्गा मिचेर निर्माण गरेका घर टहरा हटाउन रेखांकन शुरु गरेको छ ।
धादिङबेसिस्थित अरुण खोला, थोपल खोला र आँसी खोला आसपासको क्षेत्रको सार्वजनिक जग्गाको रेखांकन गर्न शुरु गरेको हो । खोला क्षेत्रको सार्वजनिक जग्गा अतिक्रमणका कारण खोलाले पुर्याउने क्षती कम गर्नको लागि रेखांकन गरेर बस्तीलाई जोखिमबाट जोगाउन रेखांकन गरिएको नीलकण्ठ नगरपालिका वडा नम्बर ३ का वडाध्यक्ष राजकुमार श्रेष्ठले बताउनुभयो ।
रेखांकन गरेका सार्वजनिक जग्गामा खेत र घर टहरा हटाउने निर्णय भने नगर सभाले गर्ने श्रेष्ठले बताउनुभयो । वडा अध्यक्षले मात्र घर टहरा हटाउन नसक्ने भन्दै नगर सभाको निर्णय पछि थप कदम अगाडी बढाउने उहाँको भनाई छ । नगरपालिकाको वडा नं ३,४,८ र १२ का क्षेत्रमा रेखांकन गर्ने कार्य जारी रहेको छ ।
यदि कोही कसैले रेखांकन गरिएको क्षेत्रमा गाडिएका पोलहरु उखेलेर फाल्ने, नगरपालिकाको निर्णय बिरुद्ध लाग्ने व्यक्तिहरुलाई सार्वजनिक मुद्दा हाल्ने,सार्वजनिक सेवा सुबिधा समेत काटिनेछ । घर टहरा हटाउन ३५ दिने सूचना निकालेर भत्काउन सुरु गरिनेछ ।
नगरपालिकाको बिपद् व्यवस्थापन सम्बन्धी बैठकले सरकारी तथा सार्वजनिक जग्गा मिचेर कसैले जबरजस्ती निर्माण गरेमा स्थानीय सरकार सन्चालन ऐन २०७४ को दफा ४१ को उपदफा (१) र (२) बमोजिम भत्काउने खर्च समेत सम्बन्धीत निर्माण कर्ताबाट असुल उपर गरी आवश्यक कानुनी कारबाहीको प्रक्रिया अगाडी बढाउने निर्णय गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच