काठमाडौं । नेपाली कांग्रेसका महामन्त्री विश्वप्रकाश शर्माले उपनिर्वाचनको परिणामले दलहरुलाई रुपान्तरित हुन सन्देश दिएको बताउनुभएको छ ।
आइतबार सम्पन्न भएको प्रतिनिधिसभा निर्वाचनलाई लिएर महामन्त्री शर्माले सामाजिक सञ्जालमा स्टाटस पोष्ट गर्दै उपनिर्वाचनले दिएको सन्देश अनुरुप आफूलाई बदलेर नयाँ ढंगले जुट्नुपर्ने बताउनुभएको हो ।
महामन्त्री शर्माले ट्वीटरमा लेख्नुभएको छ, ‘परिणामले हामीलाई रुपान्तरित हुन सन्देश दिएको छ । देशको समय बदल्न नेतृत्व गरेको दलले बदलिएको समय अनुरुप आफूलाई बदल्नुछ ।’ मतदाताको प्रत्येक मतलाई सम्मान गर्ने बताउँदै उनले लेखेका छन्, ‘नवीन अभियानमा, नयाँ ढंगले जुट्नेछौं हामी ।’
प्रतिनिधि सभा उपनिर्वाचन भएका तीन वटा क्षेत्रमध्ये चितवन २ र तनहुँ १ रास्वपाका उम्मेदवार भारी मतसहित निर्वाचित भएका छन् भने बारा २ जसपाले जितेका छन् ।
गठबनधनको समर्थनसहित चुनावमा होमिएका उम्मेदवार र ठुलो दल भनिएका दलका उम्मेदवारले ल्याएको मतपरिणामले दलहरु सच्चिनुपर्ने समय आएको संकेत गरेको उहाँले बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच